شەتەلدٸك تانىمال مۋلتفيلم ارنالارى قازاقشالانۋى مٷمكٸن. بۇل تۋرالى قر اقپارات جەنە قوعامدىق دامۋ ۆيتسە-مينيسترٸ بولات تٸلەپوۆ ايتتى, دەپ حابارلايدى قازاقپارات.
«ال, ەندٸ تٸل مەسەلەسٸ - بۇل رۋحانيياتتىڭ ٶزەگٸ. بۇل رەتتە دە قازٸرگٸ تاڭدا اقپارات جەنە قوعامدىق دامۋ مينيسترٸنٸڭ تاپسىرماسىمەن قاراستىرىلىپ جاتقان باستامالار بار. مەسەلەن - ەلٸمٸزدٸڭ كابەلدٸك وپەراتورلارى ارقىلى تارايتىن شەتەلدٸك تەلەارنالاردى قازاق تٸلٸنە اۋدارۋ. ەرينە, كەز كەلگەن ەلدٸڭ ەرتەڭٸ - بالا تٸلٸندە. سوندىقتان بۇل جۇمىستى شەتەلدٸك تانىمال مۋلتفيلم ارنالارىنان باستاۋ كەرەك دەگەن ۇسىنىس بار. سٶز جوق, بۇل باستامالار ەلٸ قوعامدىق تالقىلاۋدان ٶتٸپ, تيٸستٸ مامانداردىڭ, ساراپشىلاردىڭ, زييالى قاۋىمنىڭ, اتا-انالاردىڭ قولداۋىمەن بولاتىن دٷنيەلەر», - دەدٸ ۆيتسە-مينيستر ورتالىق كوممۋنيكاتسييالار قىزمەتٸندەگٸ باسپاسٶز مەسليحاتىندا.
ۆيتسە-مينيستردٸڭ ايتۋىنشا, اقپارات جەنە قوعامدىق دامۋ مينيسترلٸگٸ ٷشٸن ەڭ بٸرٸنشٸ مٸندەت - بۇل «رۋحاني جاڭعىرۋ» باعدارلاماسىنىڭ تيٸمدٸلٸگٸ.
«بۇل باعىتتا مينيسترلٸكتٸڭ بارلىق مٷمكٸندٸگٸ جەنە ەڭ باستىسى, تولىق تٷسٸنٸگٸ بار. رۋحانييات مەسەلەسٸ بۇل - جالعىز مەملەكەتتٸكٸ ەمەس, ورتاق مەسەلە. سوندىقتان دا وعان قولجەتكٸزۋ ٷشٸن بٸر عانا مەملەكەتتٸڭ جۇمىسى از. ەربٸر ازامات اتسالىسۋى كەرەك دەپ ويلايمىز. سوندا عانا «رۋحاني جاڭعىرۋ» باعدارلاماسىن ٸسكە اسىرۋدا جاڭا سەرپٸن كٶرەتٸن بولامىز»,- دەدٸ بولات تٸلەپوۆ.
