ديماش قۇدايبەرگەننٸڭ 63 جاستاعى فاناتى انيتا راي ۋورد ەنشٸنٸ ٸزدەپ جاڭا زەلاندييادان اقتٶبەگە ارنايى كەلدٸ, دەپ حابارلايدى قازاقپارات تٸلشٸسٸ.
اقتٶبە قالاسىنا ديماش قۇدايبەرگەننٸڭ بٸر توپ فانتوپ جەتەكشٸسٸ كەلدٸ. ولار ەنشٸمەن وڭاشا كەزدەسٸپ, ٶز ويلارىن ايتتى, كٶكەيدە جٷرگەن سۇراعىن قويدى. ولاردىڭ اراسىندا انيتا راي ۋوردتىڭ تاعدىرى بٶلەك. جاڭا زەلەندييادان كەلگەن قارييا قاتەرلٸ ٸسٸك اۋرۋىنا شالدىققان. ارمانى ٷشٸن دەرتٸنٸڭ اۋىرلىعىنا قاراماي, ديماش قۇدايبەرگەنمەن كەزدەسۋ ٷشٸن اقتٶبەگە جەتكەن. فانات قازاق تٸلٸن دە ٷيرەنٸپ جٷر.
"بٷيرەكتٸڭ قاتەرلٸ ٸسٸگٸنە شالدىعىپ, ەكٸ رەت وتا جاساتقان ەدٸم. تٸپتٸ ٶمٸردەن باز كەشٸپ, تٶسەككە تاڭىلدىم. سول كەزدە يۋتۋبتان ديماش قۇدايبەرگەننٸڭ وپەرا-2 ەنٸن ەستٸپ ەس جيدىم, باسىمدى كٶتەردٸم. قايتا تۇرىپ, ٶمٸر سٷرۋگە قۇشتارلىعىم ارتتى", - دەدٸ زەينەتكەر انيتا راي ۋورد.
فانات ديماش قۇدايبەرگەننٸڭ ەنٸن 2017 جىلدىڭ قىركٷيەگٸندە العاش رەت تىڭداپ, ٷش اي بويى بار ەنٸن ەلەۋمەتتٸك جەلٸدەن قاراپ شىققان.
"ماعان 4 دەڭگەيلٸ بٷيرەكتٸڭ قاتەرلٸ ٸسٸگٸ دەگەن دياگنوز قويدى. قيىن كەزدە ماعان كٷش پەن دەم بەرگەن جالعىز ديماش بولدى. ٶتكەن جىلى كٷزدە قىتايدا ٶتكەن كونتسەرتٸنە بارعىم كەلگەن. بٸراق تۇراقتى ەم الىپ, دەرٸ ٸشتٸم. سەتٸ وسى جولى تٷسٸپ, اقتٶبەنٸ كٶردٸم. بەلكٸم, بۇل مەنٸڭ سوڭعى ساپارىم شىعار. ديماشتى كٶرٸپ, شەكسٸز قۋاندىم", - دەدٸ فانات.
ەسكە سالساق, ديماش قۇدايبەرگەن "باقىتتى بالا" بايقاۋىندا اقىلداستار القاسىندا وتىر. ەرتەڭ بايقاۋ قورىتىندىلانىپ, ديماش قۇدايبەرگەن گالا كونتسەرتتە ەن ايتادى.
