قازاقستان سىرتقى ٸستەر مينيسترلٸگٸ «كونسۋل-كٶمەك» Telegram-بوتىن ٸسكە قوستى, دەپ حابارلايدى "ۇلت اقپارات".
نەگٸزگٸ ماقساتى – شەت ەلدەردەگٸ ەلشٸلٸكتەرٸمٸز بەن كونسۋلدىق مەكەمەلەرٸمٸزدٸڭ مەملەكەتتٸك قىزمەتتەردٸ كٶرسەتۋ بويىنشا اقپاراتتى تيٸمدٸ فورماتتا ۇسىنۋ جەنە تٷسٸندٸرۋ.
مىسالى, ەگەر ازاماتىمىز قازاقستان رەسپۋبليكاسىنىڭ شەت ەلدەگٸ ٶكٸلدٸگٸ ارقىلى بالانىڭ تۋۋ تۋرالى كۋەلٸگٸن قالاي الۋدى, نەكەنٸ تٸركەۋدٸ نەمەسە پاسپورت رەسٸمدەۋدٸڭ تەرتٸبٸن بٸلمەسە, وندا وسى بوت ارقىلى مەملەكەتتٸك قىزمەتتٸ الۋ ٷشٸن قاجەتتٸ قۇجاتتاردىڭ تٸزبەسٸ مەن مەرزٸمدەرٸ جٶنٸندە تيٸستٸ اقپاراتتى الۋىنا بولادى.
سونداي-اق, بوت قىزمەتتەردٸ الۋ ٷشٸن قازاقستاننىڭ شەت ەلدەردەگٸ ٶكٸلدٸكتەرٸنە بارۋعا الدىن الا تاپسىرىس بەرۋگە مٷمكٸندٸك بەرەدٸ. ول ٷشٸن ەڭ جاقىن كونسۋلدىق مەكەمە ورنالاسقان مەملەكەت پەن قالانى تاڭداپ, بايلانىس مەلٸمەتتەرٸن جازىپ الىپ, كٷنٸ مەن ۋاقىتىن تاڭداۋ قاجەت. سودان كەيٸن, اتالعان مەكەمەنٸڭ كونسۋلدىق قىزمەتكەرٸ ازاماتىمىزعا حابارلاما ارقىلى برون نەمەسە ٶتٸنٸمٸن راستايدى نەمەسە باسقا بوس ۋاقىتتى ۇسىنادى.
بوت كونسۋلداردىڭ ازاماتتارمەن ٶزارا ٸس-قيمىل جاساۋ ساپاسىن جاقسارتۋعا جەنە كٶرسەتٸلەتٸن قىزمەتتەر بويىنشا ولاردىڭ حاباردار بولۋىنا مٷمكٸندٸك بەرەدٸ.
Telegram مەسسەندجەرٸندەگٸ «كونسۋل-كٶمەك» بوتى @konsul_kaz_bot سٸلتەمەسٸ بويىنشا قولجەتٸمدٸ.
