فوتو: اشىق دەرەككٶز
ٸشكٸ ٸستەر مينيسترلٸگٸ سوڭعى كەزدەرٸ الاياقتىق وقيعالارىنىڭ جيٸلەپ كەتۋٸنە بايلانىستى ازاماتتاردى شەتەلدە جۇمىس ٸزدەۋ جەنە قازاقستاندا تۇرعىن ٷيدٸ جالعا الۋ كەزٸندە اسا مۇقييات بولۋعا شاقىرادى, دەپ حابارلايدى Ult.kz.
الاياقتار ٶزدەرٸن كادرلىق اگەنتتٸك, تۋروپەراتور نەمەسە جەكە تۇلعا رەتٸندە تانىستىرىپ, ازاماتتارعا كەلەسٸ "قولايلى" ۇسىنىستاردى ۇسىنادى:
- - شەتەلدە جوعارى جالاقى تٶلەنەتٸن, تٸل بٸلۋ مەن جۇمىس تەجٸريبەسٸن قاجەت ەتپەيتٸن جۇمىس ورىندارى;
- - پەتەرلەردٸ, دەمالىس ورىندارىن جەنە تۋريستٸك قىزمەتتەردٸ تٶمەن نەمەسە ناۋقاندىق باعامەن جالعا بەرۋ.
مۇنداي ۇسىنىستارعا سەنٸپ, الدىن الا تٶلەم جاساعان ازاماتتار الاياقتاردىڭ قۇربانىنا اينالىپ, ولاردىڭ ٸزٸن تابا الماي قالادى.
الاياقتىق ەرەكەتتەردٸڭ نەگٸزگٸ بەلگٸلەرٸ:
- - قىزمەت كٶرسەتۋ نەمەسە قۇجات رەسٸمدەۋ ٷشٸن الدىن الا تٶلەم تالاپ ەتٸلۋٸ;
- - كومپانييانىڭ رەسمي سايتتارىنىڭ, زاڭدى مەكەنجايىنىڭ جەنە تيٸستٸ ليتسەنزيياسىنىڭ بولماۋى;
- - تەك مەسسەندجەر ارقىلى بايلانىس ورناتىپ, جەكە كەزدەسۋدەن باس تارتۋى;
- - جالعان كەلٸسٸمشارتتار, قولدان جاسالعان پٸكٸرلەر مەن فەيك سايتتاردى قولدانۋى.
الاياقتىقتىڭ الدىن الۋ ٷشٸن ٸٸم كەلەسٸ كەڭەستەردٸ ۇسىنادى:
- - كومپانييانىڭ زاڭدى تٸركەلگەنٸنە كٶز جەتكٸزٸڭٸز: ليتسەنزيياسى, تٸركەۋ نٶمٸرٸ مەن بسن بولۋى تيٸس;
- - رەسمي كەلٸسٸمشارتسىز ەشقاشان ەشكٸمگە اقشا اۋدارماڭىز;
- - تىم تيٸمدٸ بولىپ كٶرٸنەتٸن ۇسىنىستارعا كٷمەنمەن قاراڭىز;
- - جەكە باسىڭىزعا قاتىستى مەلٸمەتتەردٸ, ونىڭ ٸشٸندە تٶلقۇجات كٶشٸرمەسٸن بەيتانىس ادامدارعا بەرمەڭٸز;
- - شەتەلدە جۇمىسقا ورنالاسۋ نەمەسە تۇرعىن ٷي جالداۋ ٷشٸن تەك سەنٸمدٸ ەرٸ تەكسەرٸلگەن پلاتفورمالاردى پايدالانىڭىز.
"ەگەر سٸز الاياقتىقتىڭ قۇربانى بولساڭىز, ٸشكٸ ٸستەر مينيسترلٸگٸ دەرەۋ پوليتسيياعا جٷگٸنٸپ, وقيعا جايىندا حابارلاۋدى سۇرايدى. سٸزدٸڭ ارىزىڭىز قىلمىسكەرلەردٸ جاۋاپكەرشٸلٸككە تارتۋعا جەنە بولاشاقتا وسىنداي قۇقىقبۇزۋشىلىقتاردىڭ الدىن الۋعا سەپتٸگٸن تيگٸزەدٸ", – دەلٸنگەن حابارلامادا.
