Foto: ashyq derekkóz
Ishki ister ministrligi sońǵy kezderi alaiaqtyq oqiǵalarynyń jiilep ketýine bailanysty azamattardy shetelde jumys izdeý jáne Qazaqstanda turǵyn úidi jalǵa alý kezinde asa muqiiat bolýǵa shaqyrady, dep habarlaidy Ult.kz.
Alaiaqtar ózderin kadrlyq agenttik, týroperator nemese jeke tulǵa retinde tanystyryp, azamattarǵa kelesi "qolaily" usynystardy usynady:
- - shetelde joǵary jalaqy tólenetin, til bilý men jumys tájiribesin qajet etpeitin jumys oryndary;
- - páterlerdi, demalys oryndaryn jáne týristik qyzmetterdi tómen nemese naýqandyq baǵamen jalǵa berý.
Mundai usynystarǵa senip, aldyn ala tólem jasaǵan azamattar alaiaqtardyń qurbanyna ainalyp, olardyń izin taba almai qalady.
Alaiaqtyq áreketterdiń negizgi belgileri:
- - qyzmet kórsetý nemese qujat rásimdeý úshin aldyn ala tólem talap etilýi;
- - kompaniianyń resmi saittarynyń, zańdy mekenjaiynyń jáne tiisti litsenziiasynyń bolmaýy;
- - tek messendjer arqyly bailanys ornatyp, jeke kezdesýden bas tartýy;
- - jalǵan kelisimsharttar, qoldan jasalǵan pikirler men feik saittardy qoldanýy.
Alaiaqtyqtyń aldyn alý úshin IIM kelesi keńesterdi usynady:
- - kompaniianyń zańdy tirkelgenine kóz jetkizińiz: litsenziiasy, tirkeý nómiri men BSN bolýy tiis;
- - resmi kelisimshartsyz eshqashan eshkimge aqsha aýdarmańyz;
- - tym tiimdi bolyp kórinetin usynystarǵa kúmánmen qarańyz;
- - jeke basyńyzǵa qatysty málimetterdi, onyń ishinde tólqujat kóshirmesin beitanys adamdarǵa bermeńiz;
- - shetelde jumysqa ornalasý nemese turǵyn úi jaldaý úshin tek senimdi ári tekserilgen platformalardy paidalanyńyz.
"Eger siz alaiaqtyqtyń qurbany bolsańyz, Ishki ister ministrligi dereý politsiiaǵa júginip, oqiǵa jaiynda habarlaýdy suraidy. Sizdiń aryzyńyz qylmyskerlerdi jaýapkershilikke tartýǵa jáne bolashaqta osyndai quqyqbuzýshylyqtardyń aldyn alýǵa septigin tigizedi", – delingen habarlamada.
