ەنەرگەتيكا سالاسىندا جەر قويناۋىن پايدالانۋشىلاردىڭ ساتىپ الۋ كونكۋرستارىنىڭ 75 پايىزى 3 ٸرٸ وپەراتورعا تيەسٸلٸ. بۇل تۋرالى ەلوردادا «حالىقتىڭ تابىسىن ارتتىرۋدىڭ 2025 جىلعا دەيٸنگٸ باعدارلاماسى» كەشەندٸ جوسپارىنا ارنالعان جيىندا ەنەرگەتيكا مينيسترٸ بولات اقشولاقوۆ ايتتى, دەپ حابارلايدى قازاقپارات.
«2021 جىلدىڭ قورىتىندىسى بويىنشا ەنەرگەتيكا سەكتورىنداعى جەر قويناۋىن پايدالانۋشىلاردىڭ تاۋارلارىن, جۇمىستارى مەن كٶرسەتٸلەتٸن قىزمەتتەرٸن ساتىپ الۋدىڭ جالپى كٶلەمٸ 4,69 ترلن تەڭگەنٸ قۇرادى. جەرگٸلٸكتٸ قامتۋ ٷلەسٸنٸڭ ورتاشا سالالىق كٶرسەتكٸشٸ - 2,9 ترلن تەڭگە, ياعني 61,8%. ونىڭ ٸشٸندە تاۋارلار - 24,3%, جۇمىستار - 76,4%, كٶرسەتٸلەتٸن قىزمەتتەر - 53,6%. جالپى, ساتىپ الۋ كٶلەمٸنٸڭ شامامەن 75%-ى 3 ٸرٸ وپەراتورعا – تەڭٸزشەۆرويل, قاراشىعاناق پەترولەۋم وپەرەيتينگ جەنە نورت كاسپيان وپەرەيتينگكە تيەسٸلٸ. سونداي-اق تاعى 13%-ى «سامۇرىق-قازىنا» قورىنىڭ كومپانييالار توبىنا جەنە 12%-ى قالعان جەر قويناۋىن پايدالانۋشىلارعا تيەسٸلٸ», - دەدٸ اقشولوقوۆ.
ونىڭ ايتۋىنشا, تاۋارلارداعى جەرگٸلٸكتٸ قامتۋ ٷلەسٸن ۇلعايتۋعا مٷمكٸندٸك بار. ول ٷشٸن مينيسترلٸك ەكٸ باستامانى قولعا الدى.
«بٸرٸنشٸدەن, مۇناي-گاز ماشيناسىن جاساۋدى دامىتۋدىڭ حالىقارالىق ورتالىعى قۇرىلدى, ول 3 ٸرٸ وپەراتوردىڭ قاجەتتٸلٸگٸ ٷشٸن جەرگٸلٸكتٸ تاۋارلاردى دامىتۋ بويىنشا جۇمىس جٷرگٸزٸپ جاتىر. ەكٸنشٸدەن, «شەۆرون» كومپانيياسى ٶزٸنٸڭ رەسپۋبليكا الدىنداعى قايتا ينۆەستيتسييالاۋ مٸندەتتەمەلەرٸ اياسىندا قازاقستاننىڭ كٸرٸستٸ كەسٸپورىندارىنا 248,5 ملن اقش دوللارىن بٶلۋدٸ قاراستىرىپ وتىر», - دەدٸ مينيستر.
