«الماتى» تەلەارناسىنىڭ «شەشٸمٸ بار» باعدارلاماسى ارقىلى تٶرتٸنشٸ وتباسى باسپانالى بولدى, دەپ حابارلايدى Almaty.tv.
سانجار بەگٸمبەتوۆ – 10-سىنىپ وقۋشىسى. ول الماتى قالاسى ناۋرىزباي اۋدانىندا اناسىمەن بٸرگە اياداي عانا تار بٶلمەلٸ پەتەردٸ جالداپ تۇرادى. وسىدان 5 جىل بۇرىن جانارىنان ايىرىلعان اناسى جۇمىسسىز ٷيدە وتىر. اناسىنىڭ دەنساۋلىعىنا بايلانىستى كٷنكٶرٸسٸ ناشارلاپ كەتكەن سوڭ, سانجاردىڭ ەرتە جاستان ەڭبەككە ارالاسۋىنا تۋرا كەلەدٸ.
«12 جاسىمنان جۇمىس ٸستەي باستادىم. باستاپقىدا بازارعا شىعىپ نان ساتىپ جٷردٸم. بار تاپقان اقشامدى اناما ەكەلٸپ بەرەمٸن. ٶيتكەنٸ, پەتەراقى, كوممۋنالدىق تٶلەمدەر, كٷندەلٸكتٸ ازىق-تٷلٸك سيياقتى شىعىنداردىڭ بەرٸن تٶلەۋ ٷشٸن اقشا كەرەك بولدى», - دەيدٸ سانجار.
سانجار اناسىنىڭ كٶزٸ قالپىنا كەلسە دەپ ارماندايدى. ەمدەتۋگە قاراجاتى جەتپەيدٸ. دەرٸلەرٸ دە قىمبات. قازٸر ول ٷيٸنٸڭ جانىنداعى كٶلٸك جۋۋ بەكەتٸندە جۇمىس ٸستەيدٸ. كٷندەلٸكتٸ ساباعى اياقتالعان سوڭ وسىندا كەلٸپ, 2-3 مىڭ تەڭگە تابادى. بار تاپقانىن جيناپ, اناسى ەكەۋٸ قاجەتتٸ شىعىندارىنا جەتكٸزۋگە تىرىسادى.
«5 جىل بۇرىن قوس جانارىمنان ايىرىلىپ قالدىم. جولداسىم تاستاپ كەتكەن... جالدامالى پەتەرگە 15 مىڭ تەڭگە, گاز بەن جارىق ٷشٸن 4 مىڭ تەڭگە تٶلەپ تۇرىپ جاتىرمىز. بۇرىن تٸگٸنشٸلٸكپەن اينالىسقانمىن. قازٸر ٶزدٸگٸمنەن جٷرٸپ-تۇرا المايمىن... وتباسىمىزدىڭ بار اۋىرتپالىعى 10-سىنىپ وقيتىن ۇلىمنىڭ موينىندا», - دەپ كٶزٸنە جاس الادى جالعىزباستى انا قاماش بەكٸمبەتوۆا.
3-شٸ ماۋسىمى كٶرەرمەندەرگە جول تارتقان «شەشٸمٸ بار» ەلەۋمەتتٸك باعدارلاماسىنىڭ بٷگٸنگٸ كەيٸپكەرٸ سانجار مەكتەپ بٸتٸرگەن سوڭ, وقۋعا تەگٸن تٷسە الاتىن بولدى. سونداي-اق, اناسىنىڭ كٶز جانارىن تولىق تەكسەرۋدەن ٶتكٸزٸپ, مٷگەدەكتٸككە شىعارۋعا مٷمكٸندٸك الدى. قۇجاتتارىن قالپىنا كەلتٸرۋگە ناقتى ەرەكەتتەر جاسالدى. ەڭ باستىسى, باعدارلامادا «حارەكەت» قايرىمدىلىق قورى مۇڭلىق جانداردىڭ ارمانىن ورىنداپ, باسپانا كٸلتٸن تابىس ەتتٸ! بۇل – «شەشٸمٸ بار» باعدارلاماسىندا مۇقتاج جاندارعا تابىستالعان تٶرتٸنشٸ باسپانا.
بٷگٸن ساعات 18.10-دا «الماتى» تەلەارناسىنىڭ ەفيرٸنەن كٶرسەتٸلەتٸن «شەشٸمٸ بار» باعدارلاماسىنىڭ «بولماعان بالالىق شاق...» اتتى كەزەكتٸ شىعارىلىمىن تاماشالاۋعا شاقىرامىز.
