بٸلٸم جەنە عىلىم مينيسترٸ اسحات ايماعامبەتوۆ مەكتەپ فورماسىن وقۋشىلارعا مٸندەتتەمەۋ تۋرالى شەشٸمگە نە سەبەپ بولعانىن تٷسٸندٸردٸ, مەكتەپ فورماسىنىڭ مٸندەتتەلمەۋٸ جايلى.
«ەگەر بٸز دەل قازٸرگٸ ۋاقىتتا بۇل شەشٸمدٸ قابىلداساق, اتا-انالاردىڭ ەكونوميكالىق جاعدايىن دا ەسكەرٸپ وتىرمىز. قازٸر اتا-انالاردىڭ بٸرازى ەكونوميكالىق قيىندىقتى ٶتكەرٸپ جاتقانىن ايتقاندىقتان, مەكتەپ فورماسى قالتاسىنا سالماق بولىپ تٷسەتٸندٸكتەن, بٸز دەل وسى بيىلعى وقۋ جىلىندا وسىنداي شەشٸمدٸ قابىلدادىق. ۋەكٸلەتتٸ ورگان رەتٸندە بيىلعى وقۋ جىلىندا مەكتەپ فورماسىن كييۋ مٸندەتتەلمەيتٸنٸن جارييا ەتسەك, ياعني مينيستر رەتٸندە وسى جاۋاپكەرشٸلٸكتٸ ٶز موينىما الار بولسام, وندا بيىلعى وقۋ جىلى – دەستٷرلٸ بولسا دا, قاشىقتان بولسا دا بۇل شەشٸم كٷشٸندە بولادى», - دەدٸ اسحات ايماعامبەتوۆ بٸلٸم جەنە عىلىم مينيسترلٸگٸنٸڭ ونلاين فورماتتاعى تٸلشٸلەرمەن كەزدەسۋٸندە.
مينيستردٸڭ ايتۋىنا قاراعاندا ەگەر بيىلعى وقۋ جىلىنىڭ باسىندا نەمەسە ورتاسىندا مەكتەپ وقۋشىلارى دەستٷرلٸ وقۋ سيپاتىنا ورالسا, مۇعالٸمدەر بەرٸبٸر دە بالالاردان مەكتەپ فورماسىن كييۋدٸ مٸندەتتەي المايتىنىن جەتكٸزدٸ.
«بۇل شەشٸم بٷكٸل وقۋ جىلى بويى كٷشٸندە بولادى. ال ەگەر وقۋشىلاردىڭ كەيبٸرٸندە مەكتەپ فورماسى بولسا, وندا كييۋٸنە مارحابات», - دەدٸ ول.
