Bilim jáne ǵylym ministri Ashat Aimaǵambetov mektep formasyn oqýshylarǵa mindettemeý týraly sheshimge ne sebep bolǵanyn túsindirdi, mektep formasynyń mindettelmeýi jaily.
«Eger biz dál qazirgi ýaqytta bul sheshimdi qabyldasaq, ata-analardyń ekonomikalyq jaǵdaiyn da eskerip otyrmyz. Qazir ata-analardyń birazy ekonomikalyq qiyndyqty ótkerip jatqanyn aitqandyqtan, mektep formasy qaltasyna salmaq bolyp túsetindikten, biz dál osy biylǵy oqý jylynda osyndai sheshimdi qabyldadyq. Ýákiletti organ retinde biylǵy oqý jylynda mektep formasyn kiiý mindettelmeitinin jariia etsek, iaǵni ministr retinde osy jaýapkershilikti óz moinyma alar bolsam, onda biylǵy oqý jyly – dástúrli bolsa da, qashyqtan bolsa da bul sheshim kúshinde bolady», - dedi Ashat Aimaǵambetov Bilim jáne ǵylym ministrliginiń onlain formattaǵy tilshilermen kezdesýinde.
Ministrdiń aitýyna qaraǵanda eger biylǵy oqý jylynyń basynda nemese ortasynda mektep oqýshylary dástúrli oqý sipatyna oralsa, muǵalimder báribir de balalardan mektep formasyn kiiýdi mindettei almaitynyn jetkizdi.
«Bul sheshim búkil oqý jyly boiy kúshinde bolady. Al eger oqýshylardyń keibirinde mektep formasy bolsa, onda kiiýine marhabat», - dedi ol.
