فوتو: Polisia.kz
بىلتىر باس پروكۋروردىڭ ورىنباسارى عالىمجان قويگەلديەۆ ٸستٸڭ مەن-جايىن جان-جاقتى انىقتاۋ ٷشٸن رەسەي فەدەراتسيياسىنان سپۋتنيك سۋرەتتەرٸ كەلۋٸ تيٸس ەكەنٸن, تەرگەۋدٸڭ سوعان بايلانىستى كٸدٸرگەنٸن تٷسٸندٸرگەن بولاتىن. كەيٸن 2025 جىلدىڭ تامىز ايىندا اتالعان دەرەك بويىنشا سوتقا دەيٸنگٸ تەرگەپ-تەكسەرۋ جۇمىستارىنىڭ توقتاتىلعانى بەلگٸلٸ بولدى.
اياعىنا جەتكٸزٸلمەگەن ٸسكە بايلانىستى اگەنتتٸك تاعى دا ساۋال جولداپ, الماتى وبلىسىنىڭ پروكۋراتۋراسىنا جٷگٸندٸ.
— ق.نۇرىموۆتىڭ ٷيٸندە بولعان ٶرت دەرەگٸ بويىنشا تٸركەلگەن قىلمىستىق ٸس اياسىندا قازٸرگٸ ۋاقىتتا تەرگەۋ ورگانى قاجەتتٸ تەرگەۋ امالدارىن جٷرگٸزٸپ جاتىر. ولاردىڭ نەتيجەسٸ بويىنشا تيٸستٸ پروتسەستٸك شەشٸم قابىلدانادى. اتالعان قىلمىستىق ٸسكە قاتىستى ٶزگە دە مەلٸمەتتەر قازاقستان رەسپۋبليكاسى قىلمىستىق-پروتسەستٸك كودەكسٸنٸڭ 201-بابىنا سەيكەس تەرگەۋ مٷددەسٸ ٷشٸن جارييا ەتۋگە جاتپايدى, — دەلٸنگەن وبلىس پروكۋرورى بەرٸك اداموۆتىڭ جاۋابىندا.
سونىمەن قاتار قاداعالاۋ ورگانى سپۋتنيكتٸك دەرەكتەردٸڭ الىنعان-الىنباعانىن جەنە بۇل ٸس بويىنشا كٷدٸكتٸلەردٸڭ انىقتالۋىن ناقتىلاعان جوق.
ەسكە سالايىق, 2024 جىلى 4 قازاندا تٶبەلەستەن 16 جاستاعى شەرزات پولات قايتىس بولدى. ٸس قوعامدا ٷلكەن رەزونانس تۋدىردى.
2024 جىلدىڭ 12 قازانىندا قارا جامىلعان وتباسىنىڭ ٷيٸ ٶرتەنٸپ كەتتٸ. الماتى وبلىسىنىڭ پوليتسييا دەپارتامەنتٸ بٶتەننٸڭ مٷلكٸن قاساقانا جويۋ فاكتٸسٸ بويىنشا ٸس قوزعادى. 2025 جىلى 5 ماۋسىمدا سوت ٷكٸمٸمەن جاسٶپٸرٸمنٸڭ ٶلٸمٸنە قاتىستى 9 ادام 23 جىلدان 1,5 جىلعا دەيٸن سوتتالدى. ال تامىز ايىندا اپەللياتسييالىق سوت ٷكٸمدٸ ٶزگەرٸسسٸز قالدىردى.
بىلتىر شەرزات پولاتتىڭ وتباسى دەمەۋشٸلەردٸڭ كٶمەگٸمەن جاڭا باسپاناعا كٶشەدٸ.
