Foto: Polisia.kz
Byltyr Bas prokýrordyń orynbasary Ǵalymjan Qoigeldiev istiń mán-jaiyn jan-jaqty anyqtaý úshin Resei Federatsiiasynan spýtnik sýretteri kelýi tiis ekenin, tergeýdiń soǵan bailanysty kidirgenin túsindirgen bolatyn. Keiin 2025 jyldyń tamyz aiynda atalǵan derek boiynsha sotqa deiingi tergep-tekserý jumystarynyń toqtatylǵany belgili boldy.
Aiaǵyna jetkizilmegen iske bailanysty agenttik taǵy da saýal joldap, Almaty oblysynyń prokýratýrasyna júgindi.
— Q.Nurymovtyń úiinde bolǵan órt deregi boiynsha tirkelgen qylmystyq is aiasynda qazirgi ýaqytta tergeý organy qajetti tergeý amaldaryn júrgizip jatyr. Olardyń nátijesi boiynsha tiisti protsestik sheshim qabyldanady. Atalǵan qylmystyq iske qatysty ózge de málimetter Qazaqstan Respýblikasy Qylmystyq-protsestik kodeksiniń 201-babyna sáikes tergeý múddesi úshin jariia etýge jatpaidy, — delingen oblys prokýrory Berik Adamovtyń jaýabynda.
Sonymen qatar qadaǵalaý organy spýtniktik derekterdiń alynǵan-alynbaǵanyn jáne bul is boiynsha kúdiktilerdiń anyqtalýyn naqtylaǵan joq.
Eske salaiyq, 2024 jyly 4 qazanda tóbelesten 16 jastaǵy Sherzat Polat qaitys boldy. Is qoǵamda úlken rezonans týdyrdy.
2024 jyldyń 12 qazanynda qara jamylǵan otbasynyń úii órtenip ketti. Almaty oblysynyń Politsiia departamenti bótenniń múlkin qasaqana joiý faktisi boiynsha is qozǵady. 2025 jyly 5 maýsymda sot úkimimen jasópirimniń ólimine qatysty 9 adam 23 jyldan 1,5 jylǵa deiin sottaldy. Al tamyz aiynda apelliatsiialyq sot úkimdi ózgerissiz qaldyrdy.
Byltyr Sherzat Polattyń otbasy demeýshilerdiń kómegimen jańa baspanaǵa kóshedi.
