بٷگٸننەن باستاپ تٷركييا قازاقستان ازاماتتارىنىڭ كەلۋٸنە شەكتەۋ ەنگٸزدٸ. بۇل تۋرالى قر يندۋسترييا جەنە ينفراقۇرىلىمدىق دامۋ مينيسترلٸگٸ ازاماتتىق اۆياتسييا كوميتەتٸنٸڭ تٶراعاسى تالعات لاستاەۆ ايتتى, دەپ حابارلايدى قازاقپارات.
«مەملەكەتتٸك كوميسسييا شەشٸمٸمەن ەرتەڭنەن باستاپ كارانتيندٸك رەجيم ەنگٸزٸلەدٸ. ازاماتتىق اۆياتسييا سالاسىندا بٷكٸل ٸشكٸ رەيستەر ورىندالادى. ەشقانداي شەكتەۋ جوق. بٷگٸنگٸ تاڭدا اپتا سايىن 45 باعىت بويىنشا 457 رەيس ورىندالادى. ولارعا ەشقانداي شەكتەۋ بولمايدى, جالعاستىرا بەرەمٸز», - دەدٸ ول ورتالىق كوممۋنيكاتسييالار قىزمەتٸندەگٸ بريفينگ بارىسىندا.
ونىڭ اتاپ ٶتۋٸنشە, حالىقارالىق باعىتتا بۇعان دەيٸن اشىلعان تٷركييا مەن وڭتٷستٸك كورەياعا عانا رەيستەر ورىندالادى.
«بٸراق, كەشە بٸز تٷركييا تاراپىنان رەسمي شەشٸم الدىق. بٷگٸننەن باستاپ تٷركييا بٸزدٸڭ ازاماتتارىمىزدىڭ ٶز ەلٸنە كٸرۋٸنە شەكتەۋ ەنگٸزەدٸ. سوندىقتان وڭتٷستٸك كورەياعا عانا ەۋە رەيستەرٸ قالادى. جاڭا رەيستەر اشىلمايدى», - دەدٸ تالعات لاستاەۆ.
كوميتەت باسشىسىنىڭ ايتۋىنشا, تٷركييادا ۋاقىتشا تۇرۋعا جەنە جۇمىس ٸستەۋگە رۇقساتى بار قازاقستان ازاماتتارى بۇل ەلگە ەش كەدەرگٸسٸز كٸرە الادى.
«وسىعان بايلانىستى رەيستەر بٷگٸن دەيٸن ەۋە كومپانييالارىمىز تٷركيياعا اپارعان جولاۋشىلاردى الىپ كەلۋ ٷشٸن ورىندالادى. ەۋە كومپانييالارى تاراپىنان بارلىق مٸندەتتەمەلەر تولىق ورىندالادى», - دەدٸ ول.
