قورعاس شەكارالىق باقىلاۋ جاساعىنىڭ «شىحو» شەكارالىق باقىلاۋ ٶتكٸزۋ بٶلٸمٸندە قازاقستان رەسپۋليكاسىنان شىحو-نا «تويوتا پرادو» اۆتوكٶلٸگٸمەن كەتٸپ بارا جاتقان 1973 جىلعى تۋعان قر ازاماتى ۇستالدى, دەپ حابارلايدى «ۇلت اقپارات».
«كٶلٸگٸن تەكسەرۋ كەزٸندە تابىلعان 7,62 كاليبرلٸك اڭ اۋلاۋعا ارنالعان قارۋدىڭ پاتروندارى ۇستاۋعا سەبەپ بولدى. ايعاق زاتتار پانفيلوۆ اۋداندىق پوليتسييا بٶلٸمٸنە تاپسىرىلدى» دەلٸنگەن قر ۇقك شق باسپاسٶز قىزمەتٸ تاراتقان حابارلامادا.
سونىمەن قاتار, زايسان شەكارا جاساعىنىڭ «مايقاپشاعاي» شەكارالىق باقىلاۋ ٶتكٸزۋ پۋنكتٸندە قازاقستان رەسپۋليكاسىنان قحر-عا جاياۋ 46 كگ ارانىڭ بالىن زاڭسىز الىپ ٶتپەك بولعان 1986 جىلعى تۋعان قازاقستان ازاماتى ۇستالىپ, «مايقاپشاعاي» كەدەندٸك بەكەتٸنٸڭ سانيتارلىق باقىلاۋ قىزمەتكەرلەرٸنە تاپسىرىلعان.
«سارىاعاش شەكارا جاساعىنىڭ «جٸبەك جولى» اۆتوموبيلدٸك شەكارالىق باقىلاۋ ٶتكٸزۋ پۋنكتٸندە ٶزبەكستان رەسپۋبليكاسىنان قازاقستان رەسپۋبليكاسىنا جاياۋ كەلە جاتقان 1993 جىلعى تۋعان ٶزبەكستان ازاماتىن قىزمەتتٸك يتتٸڭ كٶمەگٸمەن تەكسەرۋ كەزٸندە شالبارىنىڭ قالتاسىنان پاكەتتەگٸ كەپتٸرٸلگەن ماريحۋانا تابىلدى. تٷركٸستان وبلىستىق ەتد ۋەكٸلەتتٸ قىزمەتكەرٸنە تاپسىرىلدى» دەيدٸ ۇقك شق باسپاسٶز قىزمەتٸ.
