قازاق-قىتاي شەكاراسىنان زاڭسىز ٶتٸپ, 20 قازاندا ەكٸ ايعا قامالعان شىڭجاڭ قازاقتارى مۇراگەر ەلٸمۇلى مەن قاستەر مۇساحانۇلىنا "پانا ٸزدەۋشٸ تۇلعا" كۋەلٸگٸ بەرٸلەدٸ. بۇل اقپاراتتى ادۆوكات باۋىرجان ازانوۆ حابارلادى.
باۋىرجان ازانوۆتىڭ ازاتتىققا ايتۋىنشا, "پانا ٸزدەۋشٸ تۇلعا" مەرتەبەسٸن بەرۋ تۋرالى شەشٸمدٸ شىعىس قازاقستان وبلىستىق كٶشٸ-قون پوليتسيياسى باسقارماسى قابىلداعان. وبلىستىق باسقارمادان بۇل تۋرالى اقپارات الۋ مٷمكٸن بولمادى.
ازانوۆتىڭ سٶزٸنشە, ەكٸ ازاماتقا كۋەلٸك بٷگٸن, 29 قازاندا بەرٸلۋٸ تيٸس.
30 جاستاعى قاستەر مۇساحانۇلى مەن 25 جاستاعى مۇراگەر ەلٸمۇلى دٶربٸلجٸڭ ايماعىنان شىعىپ, 1 قازاندا قىتاي شەكاراسىنان ٶتكەندەرٸن راستاعان. 14 قازاندا الماتىداعى ادام قۇقىعىن قورعاۋ بيۋروسىندا ٶتكەن باسپاسٶز مەسليحاتىندا قاستەر مۇساحانۇلى شىڭجاڭداعى "ساياسي لاگەردە قاماۋدا وتىرعانىن", مۇراگەر ەلٸمۇلى قىتايدا "قىسىم كٶرگەنٸن" ايتقان.
باسپاسٶز مەسليحاتىنان كەيٸن ولاردى شەكارا قىزمەتٸنٸڭ ٶكٸلدەرٸ ەكەتٸپ, 15 قازاندا تەرگەۋ امالدارىمەن شىعىس قازاقستانعا اپارىلعان. ۇقك شەكارا قىزمەتٸ قاستەر مۇساحانۇلى مەن مۇراگەر ەلٸمۇلىنىڭ ٷستٸنەن قىلمىستىق كودەكستٸڭ 392-بابى 1 بٶلٸگٸ, ياعني "قازاقستان شەكاراسىن زاڭسىز كەسٸپ ٶتۋ" بابى بويىنشا تەرگەۋ جٷرٸپ جاتقانىن حابارلاعان. ەكەۋٸ قازٸر ٶسكەمەندەگٸ ۋاقىتشا تەرگەۋ يزولياتورىندا قاماۋدا وتىر.
الماتى وبلىسىنىڭ كٶشٸ-قون پوليتسيياسى "پانا ٸزدەۋشٸ تۇلعا" كۋەلٸگٸن بۇعان دەيٸن, 2018 جىلدىڭ تامىزىندا العاش رەت سايراگٷل ساۋىتبايعا بەرگەن. قازاق-قىتاي شەكاراسىنان زاڭسىز ٶتتٸ دەپ ايىپتالعان قىتايدىڭ ەتنيكالىق قازاعى سايراگٷل ساۋىتباي ٷستٸنەن جٷرگەن سوت پروتسەسٸ "پانا ٸزدەۋشٸ تۇلعا" كۋەلٸگٸن العاننان كەيٸن دە توقتاماعان. الماتى وبلىستىق كٶشٸ-قون پوليتسيياسى سايراگٷل ساۋىتبايعا بەرگەن "پانا ٸزدەۋشٸ تۇلعا" مەرتەبەسٸنٸڭ مەرزٸمٸن بٸرنەشە رەت ۇزارتقان. قازاقستاننان بوسقىن مەرتەبەسٸن الا الماعان سايراگٷل ساۋىتباي شۆەتسيياعا كەتكەن.
