فوتو: gov.kz
باتىس قازاقستان وبلىسىندا مەملەكەتتٸك شەكارانى زاڭسىز كەسٸپ ٶتكەن ٷش شەتەل ازاماتىنا قاتىستى سوت ٷكٸمٸ شىقتى. ٸس جەنٸبەك اۋداندىق سوتىندا قارالعان, دەپ حابارلايدى Ult.kz.
سوتتىڭ باسپاسٶز قىزمەتٸنٸڭ مەلٸمەتٸنشە, ولار 2025 جىلعى 3 جەلتوقسان كٷنٸ كەشكٸ ساعات 21:30 شاماسىندا بەلگٸلەنگەن تەرتٸپتٸ بۇزىپ, ٶتكٸزۋ بەكەتتەرٸنەن تىس جەردەن شەكارانى ەدەيٸ كەسٸپ ٶتكەن. ناقتىراق ايتقاندا, كٷدٸكتٸلەر جەنٸبەك اۋدانىنداعى «قايرات» شەكارا زاستاۆاسىنىڭ №307–308 شەكارا بەلگٸسٸ ماڭىنداعى ەكٸ قاتارلى سىم قورشاۋدان اسقان.
كەلەسٸ كٷنٸ تاڭەرتەڭ ولار تاۋ اۋىلىنا جەتٸپ, قاراۋسىز قالعان عيماراتقا جاسىرىنعان. الايدا جەرگٸلٸكتٸ تۇرعىننىڭ حابارلاماسىنان كەيٸن پوليتسييا قىزمەتكەرلەرٸ ٷشەۋٸن ۇستاپ, جەنٸبەك اۋداندىق پوليتسييا بٶلٸمٸنە جەتكٸزگەن.
سوت بارىسىندا ايىپتالۋشىلار كٸنەلارىن تولىق مويىنداپ, بۇل ەرەكەتكە تۋىستارىنا ورالۋ ٷشٸن بارعاندارىن ايتقان. سونداي-اق ٶز ٶمٸرلەرٸنە قاۋٸپ تٶنگەنٸن, ەسكەري وپەراتسييالارعا قاتىسۋعا مەجبٷر بولعاندارىن جەتكٸزٸپ, سوتتان ايىپپۇل تٷرٸندەگٸ جازا تاعايىنداۋدى سۇراعان.
سوت ٷكٸمٸمەن ولاردىڭ ەكەۋٸنە 6 اي مەرزٸمگە باس بوستاندىعىنان ايىرۋ جازاسى تاعايىندالدى. ال ٷشٸنشٸ ادامعا 350 اەك كٶلەمٸندە ايىپپۇل سالىنىپ, 1 ملن 376 مىڭ تەڭگەدەن استام قاراجات ٶندٸرٸلدٸ. ٷشەۋٸ دە قازاقستان اۋماعىنان شىعارىلدى.
ٷكٸم زاڭدى كٷشٸنە ەندٸ.
