Foto: gov.kz
Batys Qazaqstan oblysynda memlekettik shekarany zańsyz kesip ótken úsh shetel azamatyna qatysty sot úkimi shyqty. Is Jánibek aýdandyq sotynda qaralǵan, dep habarlaidy Ult.kz.
Sottyń baspasóz qyzmetiniń málimetinshe, olar 2025 jylǵy 3 jeltoqsan kúni keshki saǵat 21:30 shamasynda belgilengen tártipti buzyp, ótkizý beketterinen tys jerden shekarany ádeii kesip ótken. Naqtyraq aitqanda, kúdiktiler Jánibek aýdanyndaǵy «Qairat» shekara zastavasynyń №307–308 shekara belgisi mańyndaǵy eki qatarly sym qorshaýdan asqan.
Kelesi kúni tańerteń olar Taý aýylyna jetip, qaraýsyz qalǵan ǵimaratqa jasyrynǵan. Alaida jergilikti turǵynnyń habarlamasynan keiin politsiia qyzmetkerleri úsheýin ustap, Jánibek aýdandyq politsiia bólimine jetkizgen.
Sot barysynda aiyptalýshylar kinálaryn tolyq moiyndap, bul áreketke týystaryna oralý úshin barǵandaryn aitqan. Sondai-aq óz ómirlerine qaýip tóngenin, áskeri operatsiialarǵa qatysýǵa májbúr bolǵandaryn jetkizip, sottan aiyppul túrindegi jaza taǵaiyndaýdy suraǵan.
Sot úkimimen olardyń ekeýine 6 ai merzimge bas bostandyǵynan aiyrý jazasy taǵaiyndaldy. Al úshinshi adamǵa 350 AEK kóleminde aiyppul salynyp, 1 mln 376 myń teńgeden astam qarajat óndirildi. Úsheýi de Qazaqstan aýmaǵynan shyǵaryldy.
Úkim zańdy kúshine endi.
