فوتو: Polisia.kz
پاۆلودار وبلىسى بويىنشا قىلمىستىق-اتقارۋ جٷيەسٸ دەپارتامەنتٸنە قاراستى №46 مەكەمەسٸندە جەدەل بٶلٸم قىزمەتكەرلەرٸ تىيىم سالىنعان زاتتاردى سوتتالعانعا جەتكٸزۋ ەرەكەتٸنٸڭ جولىن كەستٸ, – دەپ حابارلايدى Ult.kz Polisia.kz-كە سٸلتەمە جاساپ.
ايلاكەرلٸكپەن جاسالعان بۇل ەرەكەت قىزمەتكەرلەردٸڭ قىراعىلىعى مەن كەسٸبيلٸگٸنٸڭ ارقاسىندا ەشكەرەلەندٸ.
سوتتالعانعا جولدانعان باندەرولدٸ جوسپارلى تەكسەرۋ بارىسىندا قىزمەتكەرلەر ونىڭ ٸشٸن مۇقييات قاراپ شىقتى. العاش قاراعاندا قوراپتىڭ ٸشٸندە كەدٸمگٸ شاي پاكەتتەرٸ بولعاندىقتان, كٷمەن تۋعىزباعان. الايدا تولىق تەكسەرۋ كەزٸندە ولاردىڭ مٷلدە باسقا نەرسە ەكەنٸ انىقتالعان.
بٸر رەتتٸك شاي پاكەتتەرٸن اشۋ بارىسىندا ولاردىڭ ٸشٸنە SIM-كارتالار جاسىرىلعانى بەلگٸلٸ بولدى. جٸبەرۋشٸ ۇساق پلاستيك بٶلشەكتەر شايدىڭ اراسىندا بايقالماي كەتەدٸ دەپ ٷمٸتتەنگەن بولۋى مٷمكٸن. دەگەنمەن قىزمەتكەرلەردٸڭ قىراعىلىعىنىڭ ارقاسىندا بۇل بايلانىس قۇرالى سوتتالعانعا جەتپەي, دەر كەزٸندە انىقتالىپ, توقتاتىلدى.
ايتا كەتۋ كەرەك, سوتتالعاندارعا ۇيالى بايلانىس قۇرالدارىن پايدالانۋعا قاتاڭ تىيىم سالىنعان. مۇنداي شەكتەۋلەر جاڭا قۇقىق بۇزۋشىلىقتاردىڭ الدىن الۋ, سونداي-اق كۋەلار مەن جەبٸرلەنۋشٸلەرگە قىسىم كٶرسەتۋدٸڭ جولىن كەسۋ ماقساتىندا ەنگٸزٸلگەن.
انىقتالعان بارلىق SIM-كارتا تەركٸلەنٸپ, تيٸستٸ تٷردە قۇجاتتاندىرىلدى. قازٸرگٸ ۋاقىتتا سوتتالعانعا قاتىستى تەرتٸپتٸك جاۋاپكەرشٸلٸك مەسەلەسٸ قاراستىرىلىپ جاتىر. ال جٸبەرۋشٸگە قازاقستان رەسپۋبليكاسىنىڭ زاڭناماسىنا سەيكەس ەكٸمشٸلٸك جاۋاپكەرشٸلٸك قاراستىرىلۋى مٷمكٸن.
قاج قىزمەتكەرلەرٸ مەكەمەلەرگە تەلەفون, SIM-كارتا, ەسٸرتكٸ زاتتارى نەمەسە سپيرتتٸك ٸشٸمدٸكتەر سيياقتى تىيىم سالىنعان زاتتاردى جەتكٸزۋ ەرەكەتٸ – زاڭ بۇزۋشىلىققا جاتاتىنىن ەسكەرتەدٸ. مۇنداي ايلا-تەسٸلدەردٸڭ بارلىعى دەر كەزٸندە انىقتالىپ, كٸنەلٸ تۇلعالار زاڭ الدىندا جاۋاپ بەرەدٸ.
