Foto: Polisia.kz
Pavlodar oblysy boiynsha qylmystyq-atqarý júiesi departamentine qarasty №46 mekemesinde jedel bólim qyzmetkerleri tyiym salynǵan zattardy sottalǵanǵa jetkizý áreketiniń jolyn kesti, – dep habarlaidy Ult.kz Polisia.kz-ke silteme jasap.
Ailakerlikpen jasalǵan bul áreket qyzmetkerlerdiń qyraǵylyǵy men kásibiliginiń arqasynda áshkerelendi.
Sottalǵanǵa joldanǵan banderoldi josparly tekserý barysynda qyzmetkerler onyń ishin muqiiat qarap shyqty. Alǵash qaraǵanda qoraptyń ishinde kádimgi shai paketteri bolǵandyqtan, kúmán týǵyzbaǵan. Alaida tolyq tekserý kezinde olardyń múlde basqa nárse ekeni anyqtalǵan.
Bir rettik shai paketterin ashý barysynda olardyń ishine SIM-kartalar jasyrylǵany belgili boldy. Jiberýshi usaq plastik bólshekter shaidyń arasynda baiqalmai ketedi dep úmittengen bolýy múmkin. Degenmen qyzmetkerlerdiń qyraǵylyǵynyń arqasynda bul bailanys quraly sottalǵanǵa jetpei, der kezinde anyqtalyp, toqtatyldy.
Aita ketý kerek, sottalǵandarǵa uialy bailanys quraldaryn paidalanýǵa qatań tyiym salynǵan. Mundai shekteýler jańa quqyq buzýshylyqtardyń aldyn alý, sondai-aq kýálar men jábirlenýshilerge qysym kórsetýdiń jolyn kesý maqsatynda engizilgen.
Anyqtalǵan barlyq SIM-karta tárkilenip, tiisti túrde qujattandyryldy. Qazirgi ýaqytta sottalǵanǵa qatysty tártiptik jaýapkershilik máselesi qarastyrylyp jatyr. Al jiberýshige Qazaqstan Respýblikasynyń zańnamasyna sáikes ákimshilik jaýapkershilik qarastyrylýy múmkin.
QAJ qyzmetkerleri mekemelerge telefon, SIM-karta, esirtki zattary nemese spirttik ishimdikter siiaqty tyiym salynǵan zattardy jetkizý áreketi – zań buzýshylyqqa jatatynyn eskertedi. Mundai aila-tásilderdiń barlyǵy der kezinde anyqtalyp, kináli tulǵalar zań aldynda jaýap beredi.
