قازاقستاندىق فايتەر شاۆكات راحمونوۆ (14-0) UFC-دە ٶتكٸزگەن ەكٸ جەكپە-جەك ٷشٸن قانشى قارجى تاپقانى بەلگٸلٸ بولدى, دەپ حابارلايدى "ۇلت اقپارات" Sports.kz سايتىنا سٸلتەمە جاساپ.
راحمونوۆ UFC-گە العاش رەت ٶتكەن جىلدىڭ قازان ايىندا شىققان. العاشقى جەكپە-جەگٸندە قازاقستاندىق سپورتشى بٸرٸنشٸ راۋندتا برازيلييالىق الەكس وليۆەيرانى (22-10-1-2) جەڭٸپ شىقتى. شاۆكاتتىڭ بۇل جەكپە-جەك ٷشٸن العان گونورارى 37 500 دوللاردى قۇرادى (10 000 دوللار — وكتاگونعا شىققانى ٷشٸن, 10 000 دوللار – جەڭٸسكە جەتكەنٸ ٷشٸن, 3 500 دوللار — جٸگەرلەندٸرۋ بونۋسى, تاعى 14 000 دوللاردى راحمونوۆقا سالماق ٶلشەۋدەن ٶتپەي قالعان قارسىلاسى «سىيلاعان»).
راحمونوۆ UFC-دەگٸ ەكٸنشٸ جەكپە-جەگٸندە دە جەڭٸسكە جەتكەن. وندا ول ەكٸنشٸ راۋندتا برازيلييالىق سپورتشى ميشەل پرازەريستٸ (26-4) جىقتى. سول كەزدەگٸ گونورارى 28 000 دوللاردى قۇرادى (12 000 دوللار — شىققانى ٷشٸن, 12 000 دوللار — جەڭٸسكە جەتكەنٸ ٷشٸن, 4 000 دوللار — جٸگەرلەندٸرۋ بونۋسى).
وسىلايشا, شاۆكات راحمونوۆ UFC-دە ٶتكٸزگەن ەكٸ جەكپە-جەگٸ ٷشٸن جالپى العاندا 65 500 دوللار تابسقا جەتتٸ.
