وتباسى دەگەن شاعىن مەملەكەتتە ەكەنٸڭ قايراتى مەن ايباتى, انانىڭ مەيٸرٸمٸ مەن ماحابباتى قاتار تٶگٸلٸپ, ەكٸ سەزٸم ەگٸز بۇرىمداي ٶرٸلگەندە عانا ٸرگەسٸنەن ٸزگٸلٸك شۋاعى شاشىراماق. بۇندايدا قازاق «ەركەك – ٷيدٸڭ ەگەسٸ, ەيەل – ٷيدٸڭ شەگەسٸ» دەپ جاتادى.
وتاعاسى سەرٸك تٶلەۋباەۆ پاۆلودار وبلىسى, ەكٸباستۇز قالاسىنداعى «بوگاتىر» كٶمٸر كەنٸشٸندە جول جٶندەۋشٸ بولىپ جۇمىس ٸستەيدٸ. ال وتاناسى نۇرسۇلۋ ەركەبايقىزى مەدەنيەت سالاسىنىڭ قىزمەتكەرٸ. وتباسىندا بٸر قىز, ەكٸ ۇل ٶمٸرگە كەلٸپ, ولاردان 7 نەمەرە سٷيٸپ وتىر. سەرٸك ايتقۇلۇلى ۇجىمدا بەدەلدٸ. كٶپ جىلدان بەرٸ ەڭبەگٸن ادال اتقارعانى ٷشٸن ٸٸٸ دەرەجەلٸ «ەڭبەك داڭقى» وردەنٸمەن ماراپاتتالعان. بوس ۋاقىتىندا نەمەرەلەرٸن اۋىلعا اپارىپ, تٶرت تٷلٸك مالمەن, اۋىل ٶمٸرٸمەن تانىستىرادى. وتاعاسى ٷشٸن وتباسىنىڭ ەربٸر مٷشەسٸنٸڭ جەتٸ اتاسىن بٸلگەنٸ ٶتە ماڭىزدى. «جەتٸ اتاسىن بٸلگەن ۇل جەتٸ جۇرتتىڭ قامىن جەر» دەگەن اتالى سٶزدٸ ارقاۋ ەتٸپ, نەمەرەلەرٸنە اتا تاريحى تۋرالى ايتىپ, ولاردىڭ قانداي جان بولعانىن, ەلٸ-جۇرتى ٷشٸن ەتكەن ەرلٸگٸ, ٶنەگەلٸ ٸستەرٸ جايىندا ەڭگٸمەلەپ وتىرادى. وسىلايشا, بالا اتا دەستٷرٸن جالعاستىرسا ەكەن دەيدٸ. ال جارى نۇرسۇلۋ ەركەبايقىزى جوعارى بٸلٸمدٸ, ەكٸباستۇز قالاسى ەكٸمدٸگٸ مەدەنيەت جەنە تٸلدەردٸ دامىتۋ بٶلٸمٸنٸڭ «اتامۇرا» مەدەنيەت ورتالىعىندا 20 جىلدان بەرٸ قىزمەت ٸستەپ كەلەدٸ. ەكٸباستۇز قالاسى ەكٸمٸنٸڭ جانىنداعى مەملەكەتتٸك تٸل ساياساتىن ودان ەرٸ جەتٸلدٸرۋ جٶنٸندەگٸ جۇمىس توبىنىڭ بەلسەندٸ مٷشەسٸ. 2018 جىلدان قالا ەكٸمٸ جانىنداعى قوعامدىق كەڭەستٸڭ مٷشەسٸ, ەكٸباستۇزداعى ٸسكەر ەيەلدەر اسسوتسياتسيياسىنىڭ مٷشەسٸ.
«شٷكٸر, بالالارىمىزدىڭ بارلىعى ٶمٸردەن ٶز ورىندارىن تاۋىپ ٷلگەردٸ, ۇلىمىزدى ۇياعا, قىزىمىزدى قيياعا قوندىردىق. بٷگٸندە ولاردان نەمەرە سٷيٸپ وتىرمىز. ٷلكەن ۇلىم ەكە جولىن قۋىپ كەنشٸ بولدى. ال كەنجە ۇلىمىز بولسا, مەدەنيەت سالاسىنا مويىن بۇردى. بٷگٸندە قورعانىس مينيسترلٸگٸ ورتالىق ەسكەري وركەسترٸنٸڭ سوليسٸ. كەلٸندەرٸم دە شىعارماشىلىققا جاقىن جاندار. قاي اتا-انا بولماسىن بالاسىنا تٷزۋ تەربيە بەرۋگە تىرىسادى عوي. بٸز دە سولاي, بالالارىمىزعا ٷلكەنگە ٸزەت, كٸشٸگە قۇرمەت كٶرسەتۋدٸ, ادال بولۋدى, ادام بولۋدى ٷيرەتتٸك. اتا-انا جاقسى ٸسٸمەن دە ٷلگٸ بولۋى كەرەك. كەلٸندەرٸمٸز بٸزدٸڭ وتاعاسى ەكەۋمٸزدٸڭ ارامىزداعى قارىم-قاتىناسقا تاڭعالىپ, قىزىعىپ جاتادى. بٸزدٸڭ شاڭىراق كٶتەرگەنٸمٸزگە 34 جىل بولسا دا, بٸر-بٸرٸمٸزگە ٷنەمٸ قامقورلىق تانىتىپ, بالالارىمىزعا ٷلگٸ بولۋعا تىرىسامىز. بالالارىما ٷنەمٸ ايتىپ وتىرامىن: «مەنٸ وتباسىنىڭ كيەسٸنە اينالدىرعان ەكەلەرٸڭ», دەپ. وتباسىندا ەكەنٸڭ رٶلٸن كٶتەرۋ ارقىلى بالانى دۇرىس تەربيەلەي الاسىڭ», دەيدٸ ن.ەركەبايقىزى.
ايتپاقشى, تٶلەۋباەۆتار وتباسى ٶتكەن جىلى «مەرەيلٸ وتباسى» ۇلتتىق بايقاۋىنىڭ رەسپۋبليكالىق كەزەڭٸنە جولداما الىپ, قازاقستان رەسپۋبليكاسى تۇڭعىش پرەزيدەنتٸ – ەلباسى قورىنىڭ ارنايى سىيلىعىنىڭ يەگەرٸ اتانعان.
«وتاناسى نۇرسۇلۋ ەركەبايقىزى وتباسىنىڭ عانا ەمەس, قالامىزدىڭ مەدەني, قوعامدىق شارالارىنا بەلسەنە قاتىسادى. ال قازاقستان رەسپۋبليكاسى قارۋلى كٷشتەرٸ ۇلتتىق ەسكەري-پاتريوتتىق ورتالىعى ورتالىق انسامبلٸنٸڭ كونتسەرتمەيستەر ۇلدارى دەۋرەن جاقىندا قازاقستان رەسپۋبليكاسى پرەزيدەنتٸنٸڭ 2020 جىلعى 30 سەۋٸردەگٸ جارلىعىمەن «ەرەن ەڭبەگٸ ٷشٸن» مەدالٸمەن ماراپاتتالدى. بۇل دا زور قۋانىش بولدى», دەيدٸ پاۆلودار وبلىسى, ەكٸباستۇز قالاسى مەدەنيەت جەنە تٸلدەردٸ دامىتۋ بٶلٸمٸنٸڭ باسشىسى ايجان حامزاقىزى.
راۋان قايداروۆ,
"ەگەمەن قازاقستان" گازەتٸ
