الماتىدا ٶتكەن ونلاين بريفينگ بارىسىندا قالانىڭ باس سانيتارلىق دەرٸگەرٸ جانداربەك بەكشين قانداي شوب تٷرلەرٸنە كارانتين اياسىندا جۇمىس ٸستەۋگە بولاتىنىن تٷسٸندٸردٸ, دەپ حابارلايدى "ۇلت اقپارات".
«ەگەر قىزمەت كٶرسەتۋ سالاسىندا جۇمىس ٸستەيتٸن سۋبەكتٸلەرگە كەلسەك, شتاب شاشتارازدارعا شەكتەۋلٸ ۋاقىت اراسىندا جۇمىس ٸستەۋگە رۇقسات بەرەدٸ. ەپيدەميولوگييالىق تۇرعىدان شاش كەسۋ از ۋاقىت, ارى كەتكەندە ورتا ەسەپپەن 30-40 مينۋت الادى. جەكە ماستەر مەن كليەنت قانا بايلانىستا بولادى. كليەنتتەر الدىن الا جازىلىپ كەلۋٸ كەرەك. ال سۇلۋلىق سالونىنىڭ قىزمەتتەرٸنە كەلسەك, مانيكيۋر, پەديكيۋر دەگەن سيياقتى قىزمەتتەردٸ جٷزەگە اسىرۋ ۇزاق ۋاقىتتى الادى. ەرٸ كليەنت پەن ماستەر اسا جاقىن قاتىناستا بولادى. بۇل جۇقتىرۋ قاۋپٸن تۋعىزادى», - دەدٸ ج.بەكشين.
ايتا كەتۋ كەرەك, قر پرەزيدەنتٸ جانىنداعى تج رەجيمٸن قامتاماسىز ەتۋ بويىنشا مەملەكەتتٸك كوميسسييا 4 مامىردان باستاپ بارلىق ٶڭٸرلەردە جۇمىسقا كٸرٸسەتٸن كەسٸپكەرلٸك سۋبەكتٸلەرٸنٸڭ قىزمەت تٷرلەرٸنٸڭ تٸزٸمٸ بەكٸتكەن بولاتىن.
