شارىن شاتقالىندا جٷرگەن سەل سالدارىنان ٸز-تٷزسٸز جوعالعان وقۋشى قىز تابىلدى. بۇل جايىندا قر تجم رەسمي ٶكٸلٸ تالعات ۋەلي مەلٸم ەتتٸ, دەپ حابارلايدى "ۇلت اقپارات".
«شارىن شاتقالى» قىزمەتكەرلەرٸ شارىن ٶزەنٸنٸڭ بويىن جاعالاي جەر بەتٸندە ٸزدەۋ-قۇتقارۋ جۇمىستارىن جٷرگٸزۋ بارىسىندا ساعات 09-34-تە 2010 جىلى دٷنيەگە كەلگەن قىزدى تاپتى. ول شارىن ٶزەنٸنٸڭ سول جاعالاۋىندا وقيعا ورىن العان جەردەن 3-4 شاقىرىم قاشىقتىقتا بولعان. قازٸرگٸ ۋاقىتتا رەسپۋبليكالىق جەدەل قۇتقارۋ وتريادى مەن الماتى وبلىستىق تٶتەنشە جاعدايلار دەپاراتامەنتٸنٸڭ جەدەل قۇتقارۋ بٶلٸمٸنٸڭ قۇتقارۋشىلارى دەرٸگەرگە دەيٸنگٸ العاشقى مەديتسينالىق كٶمەك كٶرسەتۋدە», - دەدٸ رەسمي ٶكٸل.
ونىڭ اتاپ ٶتۋٸنشە, زارداپ شەككەن وقۋشى قىزعا مەديتسينالىق كٶمەك كٶرسەتۋ ٷشٸن «قازاۆياقۇتقارۋ» اق-نىڭ اۆياتسييالىق تەحنيكاسىمەن الماتى قالاسىنىڭ اۋرۋحانالارىنىڭ بٸرٸنە جەتكٸزۋ مەسەلەسٸ شەشٸلٸپ جاتىر.
ەستەرٸڭٸزگە سالا كەتسەك, كەشە الماتى وبلىسىنىڭ شارىن شاتقالىندا سەل جٷرٸپ, 2 ادام مەرت بولىپ, 1 ادام ٸز-تٷزسٸز جوعالعانى, تاعى 6 ادام زارداپ شەككەنٸ حابارلانعان بولاتىن.
ال بٷگٸن ەلٸمٸزدٸڭ بٸلٸم جەنە عىلىم مينيسترلٸگٸ اتالعان وقيعا سالدارىنان 1 وقۋشى مەن 1 مۇعالٸمنٸڭ قازا تاپقانىن, تاعى بٸر وقۋشىنى ٸزدەۋ جۇمىستارى جٷرگٸزٸلٸپ جاتقانىن مەلٸم ەتكەن ەدٸ.
