Sharyn shatqalynda júrgen sel saldarynan iz-túzsiz joǵalǵan oqýshy qyz tabyldy. Bul jaiynda QR TJM resmi ókili Talǵat Ýáli málim etti, dep habarlaidy "Ult aqparat".
«Sharyn shatqaly» qyzmetkerleri Sharyn ózeniniń boiyn jaǵalai jer betinde izdeý-qutqarý jumystaryn júrgizý barysynda saǵat 09-34-te 2010 jyly dúniege kelgen qyzdy tapty. Ol Sharyn ózeniniń sol jaǵalaýynda oqiǵa oryn alǵan jerden 3-4 shaqyrym qashyqtyqta bolǵan. Qazirgi ýaqytta Respýblikalyq jedel qutqarý otriady men Almaty oblystyq tótenshe jaǵdailar deparatamentiniń jedel qutqarý bóliminiń qutqarýshylary dárigerge deiingi alǵashqy meditsinalyq kómek kórsetýde», - dedi resmi ókil.
Onyń atap ótýinshe, zardap shekken oqýshy qyzǵa meditsinalyq kómek kórsetý úshin «Qazaviaqutqarý» AQ-nyń aviatsiialyq tehnikasymen Almaty qalasynyń aýrýhanalarynyń birine jetkizý máselesi sheshilip jatyr.
Esterińizge sala ketsek, keshe Almaty oblysynyń Sharyn shatqalynda sel júrip, 2 adam mert bolyp, 1 adam iz-túzsiz joǵalǵany, taǵy 6 adam zardap shekkeni habarlanǵan bolatyn.
Al búgin elimizdiń Bilim jáne ǵylym ministrligi atalǵan oqiǵa saldarynan 1 oqýshy men 1 muǵalimniń qaza tapqanyn, taǵy bir oqýshyny izdeý jumystary júrgizilip jatqanyn málim etken edi.
