شارىن شاتقالىندا سەلدەن زارداپ شەككەن ەكٸ ادام اۋرۋحانادان شىعارىلدى. بۇل تۋرالى الماتى قالالىق قوعامدىق دەنساۋلىق ساقتاۋ باسقارماسى مەلٸم ەتتٸ, دەپ حابارلايدى "ۇلت اقپارات".
دەنساۋلىق ساقتاۋ باسقارماسىنىڭ مەلٸمەتٸنشە, شارىنداعى سەلدەن جاراقات العان ەكٸ ادام الماتىداعى №4 قالالىق كلينيكالىق اۋرۋحاناعا جەتكٸزٸلگەن.
«مەن سول ەكسكۋرسييادا گيد بولدىم. شارىن شاتقالىنداعى سەل كٶشكٸنٸ كەزٸندە 4 وقۋشىمەن بٸرگە سەلدە قالىپ, جاراقات الدىم. العاشقىدا جاراقات سەزٸنبەدٸ, ماعان بالالاردى اۆتوبۋسقا جيناۋ, قالعاندارىن تابۋعا كٶمەكتەسۋ جەنە اتا-انالارمەن كەزدەسۋ قاجەت بولدى. اتا-انالار بالالاردى تاراتىپ الىپ كەتكەننەن كەيٸن, ارتىمنان ەپكەم كەلگەندە, مەن اياعىمنىڭ اۋىرسىنۋىن جەنە قاتتى باس اينالۋىن سەزٸندٸم. بٸر سەتتە ەسٸمنەن تانىپ قالدىم. اۋرۋحانادا ٶزٸمە كەلدٸم», - دەدٸ مەدينا.
№4 قالالىق كلينيكالىق اۋرۋحانانىڭ باس دەرٸگەرٸ ساعي بەيسەنبەكوۆتٸڭ ايتۋىنشا, ناۋقاس كەشەندٸ تەكسەرۋدەن ٶتٸپ, ەم قابىلدادى.
«ناۋقاس بٸردەن رەانيماتسييا بٶلٸمٸنە جەتكٸزٸلٸپ, كەشەندٸ تەكسەرۋدەن ٶتتٸ. ونى قۇرامىندا تراۆماتولوگ, تەراپەۆت, انەستەزيولوگ بار دەرٸگەرلەردٸڭ مۋلتيديستسيپلينارلىق بريگاداسى قارادى. بەيٸندٸ بٶلٸمشەدە تولىق ەم-شارالاردى الىپ شىقتى», - دەيدٸ №4 قالالىق كلينيكالىق اۋرۋحانانىڭ باس دەرٸگەرٸ ساعي بەيسەنبەكوۆ.
سونىمەن قاتار, اتالعان اۋرۋحانادا №199 مەكتەپ-گيمنازيياسى مۇعالٸمٸ ەم قابىلدادى. تٶتەنشە وقيعا كەزٸندە مۇعالٸم جابىق باس سٷيەك-مي جاراقاتىن, مي شايقالۋ, دەنەنٸڭ, اياق-قولدىڭ كٶپتەگەن جاراقاتىن الدى.
وقيعا بولعان كٷنٸ جەدەل جەردەم كٶلٸگٸمەن ۇيعىر ورتالىق اۋداندىق اۋرۋحاناسىنا جەتكٸزٸلدٸ, ال 30 مامىردا №4 قالالىق كلينيكالىق اۋرۋحاناسىنىڭ قابىلداۋ بٶلٸمٸنە ٶز بەتٸنشە جٷگٸندٸ.
«30 مامىردا ناۋقاس بەيٸندٸ بٶلٸمشەگە جاتقىزىلىپ, مەديتسينالىق كٶمەكتٸڭ تولىق كٶلەمٸن الدى. شارىن شاتقالىندا زارداپ شەككەندەرمەن بٸرگە پسيحولوگتار جۇمىس ٸستەدٸ, بٷگٸندە ولار تۇرعىلىقتى جەرٸ بويىنشا ودان ەرٸ امبۋلاتورييالىق ەمدەلۋگە جاقسارتىلىپ شىعارىلدى», - دەپ تٷيٸندەدٸ باس دەرٸگەر.
ەستەرٸڭٸزگە سالا كەتسەك, 29 مامىر كٷنٸ الماتى وبلىسىنىڭ شارىن شاتقالىندا سەل جٷرٸپ, 2 ادام مەرت بولىپ, 1 ادام ٸز-تٷزسٸز جوعالعانى, تاعى 6 ادام زارداپ شەككەنٸ حابارلانعان بولاتىن.
