قازاقستان رەسپۋبليكاسى تٶتەنشە جاعدايلار مينيسترٸنٸڭ العىس حاتىمەن شارىن شاتقالىنداعى 10 جاستاعى قىزدى قۇتقارۋعا قاتىسقان 20 ادام ماراپاتتالدى, - دەپ حابارلايدى "ۇلت اقپارات".
الماتى وبلىسى تٶتەنشە جاعدايلار دەپارتامەنتٸندەگٸ باسپاسٶز قىزمەتٸنٸڭ مەلٸمەتٸنشە,
شارىن مەملەكەتتٸك ۇلتتىق پاركٸنٸڭ گيد-ەكسكۋرسوۆودى ەرنار جٷنٸسوۆ شارىن ٶزەنٸنٸڭ جاعاسىندا سەل اعىزعان قىزدى بٸرٸنشٸ بولىپ بايقاعان.
ٸزدەستٸرۋ-قۇتقارۋ جۇمىستارىن سەتتٸ ورىنداعانى ٷشٸن شارىن مەملەكەتتٸك ۇلتتىق پاركٸنٸڭ گيد-ەكسكۋرسوۆودى ەرنار جٷنٸسوۆ, الماتى وبلىسى تجد جقج سٷڭگۋٸرلٸك-قۇتقارۋ بٶلٸمشەسٸنٸڭ باسشىسى سەرگەي سينياكوۆ, « قازاۆياقۇتقارۋ» اق ەۋروكوپتەر-145 پيلوت-نۇسقاۋشىسى اندرەي بۋحال ماراپاتتالدى. سونداي-اق, ۇيعىر اۋدانىنىڭ تجب باس مامانى رينات ابلەميتوۆ, رجقج قۇتقارۋشىلارى مۇقانعالي قابىلوۆ, بەيسەنعالي دٷيسەباەۆ, ۆياچەسلاۆ سمولوۆ, سالتانات نازيموۆا, بەكجان قاراعۋشينوۆ, ۆياچەسلاۆ شەگەر, يۋسۋف جاكان, بٸرجان بايكۋلوۆ, ماقسۇت سەرعازين, ليۋبوۆ ەفرەموۆا العىس حاتتارعا يە بولدى. جەنە دە ۇيعىر اۋدانىنىڭ جەدەل مەديتسينالىق جەردەم بريگادالارىنىڭ 16/1 جەنە 16/2 قىزمەتكەرلەرٸ دانييار نٷسٸپاليەۆ, بەرٸكبول ماقتىباەۆ, گٷلنار قوجا, يارشات ماحامبەت, ۇلان باعداتوۆ ماراپاتتالدى.
«الماتى وبلىسى تجد جەدەل قۇتقارۋ جاساعى سٷڭگۋٸرلٸك-قۇتقارۋ بٶلٸمشەسٸنٸڭ باسشىسى سەرگەي سينياكوۆ بالامەن قۇتقارۋشىنى ٶزەن ارقىلى تاسىمالداۋ ٷشٸن تٸكۇشاق شاڭعىسىنا قوسارلانعان ارقاندى بەكٸتٸپ, ساقتاندىرۋ ۇشىن تاستاپ اۋا ارقىلى كٶتەردٸ. ال, جەدەل جەردەم قىزمەتكەرلەرٸ قىزعا مەديتسينالىق كٶمەك كٶرسەتتٸ.
قۇتقارىلعان 10 جاسار قىزعا دەرٸگەرگە دەيٸنگٸ العاشقى كٶمەك كٶرسەتٸلگەننەن كەيٸن تٸكۇشاقپەن بورالداي كەنتٸنٸڭ ەۋەجايىنا جەتكٸزٸلدٸ»,- دەلٸنگەن ۆەدومستۆونىڭ باسپاسٶز قىزمەتٸ جارييالاعان حابارلامادا.
ەستەرٸڭٸزگە سالا كەتسەك, 29 مامىر كٷنٸ الماتى وبلىسىنىڭ شارىن شاتقالىندا سەل جٷرٸپ, 2 ادام مەرت بولىپ, 1 ادام ٸز-تٷزسٸز جوعالعانى, تاعى 6 ادام زارداپ شەككەنٸ حابارلانعان بولاتىن. بٸر تەۋلٸككە جۋىق ۋاقىتتان سوڭ ون جاستاعى وقۋشى قىز امان-ەسەن تابىلدى.
