Qazaqstan Respýblikasy Tótenshe jaǵdailar ministriniń alǵys hatymen Sharyn shatqalyndaǵy 10 jastaǵy qyzdy qutqarýǵa qatysqan 20 adam marapattaldy, - dep habarlaidy "Ult aqparat".
Almaty oblysy Tótenshe jaǵdailar departamentindegi baspasóz qyzmetiniń málimetinshe,
Sharyn memlekettik ulttyq parkiniń gid-ekskýrsovody Ernar Júnisov Sharyn ózeniniń jaǵasynda sel aǵyzǵan qyzdy birinshi bolyp baiqaǵan.
Izdestirý-qutqarý jumystaryn sátti oryndaǵany úshin Sharyn memlekettik ulttyq parkiniń gid-ekskýrsovody Ernar Júnisov, Almaty oblysy TJD JQJ súńgýirlik-qutqarý bólimshesiniń basshysy Sergei Siniakov, « Qazaviaqutqarý» AQ Eýrokopter-145 pilot-nusqaýshysy Andrei Býhal marapattaldy. Sondai-aq, Uiǵyr aýdanynyń TJB bas mamany Rinat Ablemitov, RJQJ qutqarýshylary Muqanǵali Qabylov, Beisenǵali Dúisebaev, Viacheslav Smolov, Saltanat Nazimova, Bekjan Qaraǵýshinov, Viacheslav Sheger, Iýsýf Jakan, Birjan Baikýlov, Maqsut Serǵazin, Liýbov Efremova alǵys hattarǵa ie boldy. Jáne de Uiǵyr aýdanynyń jedel meditsinalyq járdem brigadalarynyń 16/1 jáne 16/2 qyzmetkerleri Daniiar Núsipaliev, Berikbol Maqtybaev, Gúlnar Qoja, Iarshat Mahambet, Ulan Baǵdatov marapattaldy.
«Almaty oblysy TJD Jedel qutqarý jasaǵy súńgýirlik-qutqarý bólimshesiniń basshysy Sergei Siniakov balamen qutqarýshyny ózen arqyly tasymaldaý úshin tikushaq shańǵysyna qosarlanǵan arqandy bekitip, saqtandyrý ushyn tastap aýa arqyly kóterdi. Al, jedel járdem qyzmetkerleri qyzǵa meditsinalyq kómek kórsetti.
Qutqarylǵan 10 jasar qyzǵa dárigerge deiingi alǵashqy kómek kórsetilgennen keiin tikushaqpen Boraldai kentiniń áýejaiyna jetkizildi»,- delingen vedomstvonyń baspasóz qyzmeti jariialaǵan habarlamada.
Esterińizge sala ketsek, 29 mamyr kúni Almaty oblysynyń Sharyn shatqalynda sel júrip, 2 adam mert bolyp, 1 adam iz-túzsiz joǵalǵany, taǵy 6 adam zardap shekkeni habarlanǵan bolatyn. Bir táýlikke jýyq ýaqyttan soń on jastaǵy oqýshy qyz aman-esen tabyldy.
