فوتو: Tengrinews.kz
ەلٸمٸزدٸڭ ۇلتتىق پاركتەرٸ تۋريستەر اراسىندا بارعان سايىن تانىمال بولا تٷسۋدە. بىلتىر قورىقتارعا 2,8 ميلليوننان استام ادام بارىپ, بۇل كٶرسەتكٸش 2023 جىلمەن سالىستىرعاندا 18 پايىزعا ارتقان. ٸلە-الاتاۋ ۇلتتىق پاركٸ, شارىن شاتقالى, التىن-ەمەل جەنە كٶلساي كٶلدەرٸ — ەڭ كٶپ باراتىن ورىندار قاتارىندا, دەپ حابارلايدى Ult.kz.
تۋريزم جەنە سپورت مينيسترلٸگٸ مەملەكەت باسشىسىنىڭ ٸشكٸ تۋريزمدٸ دامىتۋ جٶنٸندەگٸ تاپسىرمالارى اياسىندا جاڭا ەكوتۋريستٸك باعىتتار اشىپ, ينفراقۇرىلىمدى جاقسارتۋ جۇمىستارىن جٷرگٸزٸپ جاتىر. قازٸرگٸ تاڭدا 750 شاقىرىمعا جۋىق تابيعي مارشرۋت اباتتاندىرىلعان. جاقىن جىلدارى تاعى 350 شاقىرىم جولدى جابدىقتاۋ كٶزدەلٸپ وتىر. بيىل توعىز جاڭا تۋريستٸك سوقپاق سالۋ جوسپارلانعان.
ٸرٸ باستامالاردىڭ بٸرٸ — Alatau Amanaty جوباسى. بۇل مارشرۋت ايۋساي ۆيزيت-ورتالىعىنان باستالىپ, ٸلە الاتاۋىنىڭ كٶركەم جوتالارى ارقىلى شارىن شاتقالى مەن تاڭبالى قورىق-مۋزەيٸنە دەيٸن جالعاساتىن 1200 شاقىرىمدىق جولدى قامتيدى. باعىت بويىندا ەتنواۋىلدار, كەمپينگتەر, گلەمپينگتەر, گاستروتۋريزم نىساندارى سالىنىپ, جوبانىڭ ٶزٸ ٸشكٸ جەنە حالىقارالىق وقيعالى تۋريزمگە ارنالعان تۇتاس ەكوجٷيەگە اينالماق.
باستاما KazAlpineClub قوعامدىق بٸرلەستٸگٸنە تيەسٸلٸ. ونى AMANAT پارتيياسى, قر تۋريزم جەنە سپورت مينيسترلٸگٸ, Kazakh Tourism ۇلتتىق كومپانيياسى, الماتى قالاسى مەن الماتى وبلىسى ەكٸمدٸكتەرٸ قولداۋدا.
مارشرۋت بويىنداعى نەگٸزگٸ ايالدامالار — تۋريستەر ٷشٸن تارتىمدى تاريحي جەنە تابيعي ورىندار: «ەسٸك» قورىق-مۋزەيٸ, كٶك-جايلاۋ, بۋتاكوۆكا, الما-اراسان بۇلاقتارى, ٷلكەن الماتى كٶلٸ, تالحيز قالاشىعى جەنە Oi-Qaragai تاۋ كۋرورتى.
جوبانىڭ ٸسكە قوسىلۋ كٷنٸ قاتىسۋشىلار «تازا قازاقستان» اكتسيياسى اياسىندا ەكولوگييالىق سەنبٸلٸك ۇيىمداستىرىپ, تاۋلى ايماقتاردى تازارتتى.
Alatau Amanaty سيياقتى جوبالار تۇراقتى تۋريزمدٸ دامىتىپ قانا قويماي, ٶڭٸرلەردە جاڭا جۇمىس ورىندارىن اشىپ, جەرگٸلٸكتٸ حالىقتىڭ ەل-اۋقاتىن ارتتىرۋعا ىقپال ەتپەك.
