كٶكتەمگٸ ەگٸس جۇمىستارىن جٷرگٸزۋ ٷشٸن اۋىل شارۋاشىلىعى تاۋارىن ٶندٸرۋشٸلەرٸنە ارزانداتىلعان باعامەن ديزەل وتىنى بٶلٸندٸ. بۇل تۋرالى قر ەنەرگەتيكا مينيسترٸ بولات اقشولاقوۆ ايتتى, دەپ حابارلايدى قازاقپارات.
«پرەزيدەنتتٸڭ قازاقستان حالقىنا جولداۋى اياسىندا شارۋالاردى قولايلى باعامەن جانار-جاعارماي ماتەريالدارىمەن قامتاماسىز ەتۋ جۇمىسى جٷرگٸزٸلەدٸ. بٷگٸنگٸ كٷنٸ كٶكتەمگٸ ەگٸس جۇمىستارىن ۋاقىتىلى جەنە تۇراقتى جٷرگٸزۋ ٷشٸن اۋىل شارۋاشىلىعى تاۋارىن ٶندٸرۋشٸلەرٸنە مۇناي ٶڭدەۋ زاۋىتتارىندا 1 تونناسىنا 212 مىڭ تەڭگە باعامەن 400 مىڭ توننا ديزەل وتىنى بٶلٸندٸ, بۇل ٶڭٸرگە بايلانىستى بٶلشەك ساۋدا باعاسىنان ورتا ەسەپپەن 15-30%-عا تٶمەن», - دەدٸ ەنەرگەتيكا مينيسترٸ ٷكٸمەت وتىرىسىندا.
بۇعان دەيٸن ب. اقشولاقوۆ جىل باسىنان بەرٸ ەلٸمٸزدە 22 ملن توننا مۇناي ٶندٸرٸلگەنٸن ايتقان بولاتىن. قاڭتار-ناۋرىز ايلارىندا 17,6 ملن توننا مۇناي ەكسپورتتالعان.
سونىمەن بٸرگە, قازاقستاننان بەنزين, ديزەل وتىنىن جەنە مۇناي ٶنٸمدەرٸنٸڭ باسقا دا جەكەلەگەن تٷرلەرٸن ەكەتۋگە سالىنعان تىيىم 6 ايعا ۇزارادى .
