اقتٶبە وبلىسىندا شارۋا قوجالىعىنىڭ باسشىسى 47 جاستاعى ەر ادامدى قۇلدىقتا ۇستاعان. بۇل تۋرالى قر ٸٸم كريمينالدىق پوليتسييا دەپارتامەنتٸ باستىعىنىڭ ورىنباسارى قانات نۇرماعامبەتوۆ ايتتى, دەپ حابارلايدى قازاقپارات.
«اقتٶبە تۇرعىنى 47 جاستاعى ەر ادامدى ەلەۋمەتتٸك جاعدايىنىڭ تٶمەن ەكەندٸگٸن پايدالانىپ ەرٸ الداۋ ارقىلى 7 اي بويى جۇمىسقا جەككەن. زارداپ شەگۋشٸ كٷنٸنە 12 ساعات مال باعىپ, جاقىن ەلدٸ مەكەننەن 50 شاقىرىم قاشىقتاعى قىستاۋدا تۇرعان. جۇمىس ٸستەۋدەن باس تارتقان كەزدە ونى ۇرىپ-سوعىپ, پسيحولوگييالىق قىسىم كٶرسەتكەن. قر قىلمىستىق كودەكسٸنٸڭ 128-بابىمەن تەرگەۋ جٷرگٸزٸلٸپ جاتىر», - دەدٸ ول ٸٸم باسپاسٶز قىزمەتٸ الاڭىندا ٶتكەن بريفينگتە.
ونىڭ اتاپ ٶتۋٸنشە, زارداپ شەگۋشٸ وڭالتۋ كٶمەگٸن الۋ ٷشٸن داعدارىس ورتالىعىنا جٸبەرٸلدٸ.
«سونىمەن قاتار «STOP ترافيك« جەدەل الدىن الۋ ٸس-شاراسى بارىسىندا پوليتسييا قىزمەتكەرلەرٸ ٸز-تٷزسٸز جوعالعان 3 ادامنىڭ تۇرعىلىقتى جەرٸن انىقتاپ, ٸزدەۋدە جٷرگەن 3 قىلمىسكەردٸ ۇستادى», - دەدٸ قانات نۇرماعامبەتوۆ.
