قازاق تاعامتانۋ اكادەميياسىنىڭ پرەزيدەنتٸ, مەديتسينا عىلىمدارىنىڭ دوكتورى تٶرەگەلدٸ شارمانوۆ «Antikor Live» جوباسىنا كەلٸپ, ٶز ويىمەن بٶلٸستٸ. ونىڭ ايتۋىنشا قازٸرگٸ ٸندەت ٶرشٸگەن جاعدايدا ەر ادام ٷيدەگٸ جاس ٷلكەن كٸسٸلەردٸڭ جايىن ويلاۋى كەرەك, دەپ حابارلايدى قازاقپارات.
«بۇل ٸندەتتٸڭ باستى قاۋپٸ – ٷلكەن جاستاعى ادامداردى الىپ كەتۋٸ. سوندىقتان جاستار ەڭ الدىمەن قاۋٸپ-قاتەردەن ٶزدەرٸن ساقتاپ قانا قويماي, ٷلكەن كٸسٸلەردٸ ويلاۋى كەرەك. جاستار قازٸر ٶز ٷيٸنە, وتباسىنا بٸر ۇجىم دەپ قاراپ, اينالاسىن قورعاۋى تيٸس», - دەيدٸ تٶرەگەلدٸ شارمانوۆ.
قازاق تاعامتانۋ اكادەميياسىنىڭ پرەزيدەنتٸ دەل قازٸرگٸ ۋاقىتتا ادام دەنساۋلىعىنا قانداي تاعامدار پايدالى ەكەنٸن ايتىپ بەردٸ.
«قازٸر قويۋ نەمەسە قۋىرىلعان تاماقتى جەۋدٸڭ ورنىنا سۇيىق تاماقتى كٶپ ٸشۋ كەرەك. سۋ بولسىن, قىمىز بولسىن, سورپا-سۋ بولسىن سۇيىق ٸشۋ كەرەك. قىمىز بەن ايراننىڭ پايداسى زور. وسى كٷنٸ جىلقىنىڭ قازاق ٷشٸن قادٸرٸ ارتتى. سەبەبٸ ادامنىڭ اعزاسىنا جىلقى ەتٸ ٶتە جاقسى ەسەر ەتەدٸ. ەرينە دەل قازٸرگٸ كٷنٸ قىمىز بەن جىلقى ەتٸنە جەتەر ەش تاعام جوق. بٸراق وعان جۇرتتىڭ بەرٸنٸڭ قولى جەتە بەرمەۋٸ مٷمكٸن. قازاق جالپى «قويدىڭ ەتٸ قورعاسىن» دەپ تەككە ايتپايدى. كەشكٸ اسقا قويدىڭ ەتٸن جەسەڭٸز, ول ەرتەڭگٸ كٷن باتقانشا سٸڭەدٸ. ۇزاق. «سيىردىڭ ەتٸ تاڭ سارايى باتقانشا, جىلقىنىڭ تٶسەك سالىپ جاتقانشا» دەيدٸ قازاق. ياعني جىلقى ەتٸ بويعا تەز سٸڭەدٸ. سوندىقتان جىلقى ەتٸنٸڭ قاسيەتٸ ەرەكشە ەكەنٸن كٶرسەتەدٸ. ول عىلىمي جولمەن دەلەلدەنگەن. مەن ونىمەن كٶپ اينالىستىم. ونى جاي دەرەكتەن الىپ وتىرعان جوقپىن. ٶزٸم زەرتتەپ, كٶزٸم جەتكەن. تولىققاندى جاۋاپكەرشٸلٸكپەن ايتا الامىن», - دەدٸ ول.
تٶرەگەلدٸ شارمانوۆتىڭ سٶزٸنشە بۇل اۋرۋعا بٸرٸنشٸ تٶتەپ بەرەتٸن فاكتور – تاعام.
«سەنٸڭ ٶمٸر سٷرۋٸڭنٸڭ ساپاسى – ٸشكەن اسىڭمەن ٶلشەنەدٸ. بٸز ەدەتتە بالالاردىڭ اماندىعىن, توقتىعىن بٸرٸنشٸ ورىنعا قويامىز. ال قازٸرگٸ جاعدايدا ٷيدەگٸ كەرٸلەردٸڭ قامىن بٸرٸنشٸ ويلاۋ كەرەك. سەبەبٸ بالالاردىڭ بويىندا اۋرۋعا تٶتەپ بەرەر يممۋنيتەت جوعارى. ال ٷلكەن كٸسٸلەردٸ بۇل ٸندەتتەن ساقتاۋ كەرەك. مورالدىق تۇرعىدا العاندا دا ٷلكەن كٸسٸلەردٸڭ اماندىعىن بٸرٸنشٸ ويلاۋ كەرەك», - دەدٸ ول.
