فوتو: primeminister.kz
بٷگٸن استاناداعى بريفينگ كەزٸندە جۋرناليست ٶنەركەسٸپ جەنە قۇرىلىس مينيسترٸنە ٶز نارازىلىعىن اشىق ايتتى. بٷگٸندە قازاق تٸلدٸ تٸلشٸلەر شەنەۋنٸكتەردٸڭ ورىسشا سٶيلەگەن سٶزٸن اۋدارىپ, ەكٸ جۇمىس ٸستەۋگە مەجبٷر, دەپ حابارلايدى Sputnik قازاقستان.
بريفينگتە مينيستر, كٶبٸنەسە, رەسمي تٸلدە جاۋاپ بەرٸپ وتىردى. اراسىندا قازاقشا دا سٶيلەدٸ. بٸراق تٸلشٸلەر مەملەكەتتٸك تٸلدە ماردىمدى جاۋاپ المادى.
"بٸزگە تولىققاندى جاۋاپ كەرەك. ٶزٸمٸز جازاتىن تٸلدە جاۋاپ الۋعا قۇقىعىمىز بار. مىسالى, قازٸر مەن اۋدارما جاساپ وتىرمىن. ەكٸ جۇمىس ٸستەۋگە مەجبٷرمٸن", - دەدٸ تٸلشٸ.
مينيستر شارلاپاەۆ جۋرناليستٸڭ دە, اۋديتورييانىڭ دا ٶزٸ قالاعان تٸلدە جاۋاپ الۋعا قۇقىلى ەكەنٸن مويىندايمىن دەدٸ. سوسىن ٶز ويىن رەسمي تٸلدە جەتكٸزدٸ.
"بٸراق ەلٸمٸزدە, سونىڭ ٸشٸندە مەملەكەتتٸك ورگانداردا قازاق تٸلٸن 100 پروتسەنت بٸلمەيتٸن ادامدار از ەمەس. ونى ٶزٸڭٸز دە جاقسى بٸلەسٸز. ولاردىڭ ٸشٸندە مەن دە بارمىن. سوندىقتان سٸزدٸڭ ەسكەرتپەڭٸز ورىندى. قازاقشا سۇراعاندىقتان, قازاق تٸلٸندە جاۋاپ بەرۋ كەرەك", - دەپ اتاپ كٶرسەتتٸ شارلاپاەۆ.
مينيستر شەتەلدە كٶپ جٷرگەنٸن, بٸراق تٸلدٸ ٷيرەنۋگە تىرىسىپ جاتقان ادامعا قاتىستى مۇنداي نارازىلىققا العاش رەت تاپ بولىپ وتىرعانىن دا جەتكٸزدٸ.
"مەن بٸر جارىم جىلدىڭ ٸشٸدە ٶز ويىمدى جەتكٸزە الاتىن دەڭگەيگە جەتتٸم. يە, سٸزدٸكٸندەي سٶزدٸك قورىم جوق. بٸراق مەن تىرىسىپ جاتىرمىن عوي. باسقا ەرٸپتەستەرٸمە قاراعاندا, سەل دە بولسا كٶبٸرەك جەتٸستٸگٸم بار. الايدا "قانشا تىرىسساڭ دا, بٸز بەرٸبٸر ساعان نەگاتيۆپەن قارايمىز" دەگەن كٶزقاراستىڭ بولعانى دۇرىس ەمەس. شەتەلگە بارىپ, قىتايشا ەكٸ سٶز, جاپون تٸلٸندە ٷش سٶز نەمەسە اعىلشىنشا تٶرت سٶز ايتساڭىز, سٸزگە ٷلكەن قۇرمەتپەن قارايدى. مەن جالعىز وسى ەلدە عانا وسىنداي نەگاتيۆكە تاپ بولىپ وتىرمىن", - دەدٸ شارلاپاەۆ.
مينيستر قازاقشا سۇراق قوياتىن جۋرناليستەرگە العىسىن دا ايتتى. سەبەبٸ "سونىڭ ارقاسىندا تٸلدٸ ٷيرەنۋگە مٷمكٸندٸك بار".
شارلاپاەۆ 18 ايدان كەيٸن مەملەكەتتٸك تٸلدٸ جەتٸك مەڭگەرٸپ شىعۋعا ۋەدە بەردٸ.
