«Nexia» ماركالى اۆتوكٶلٸكپەن كەلگەن قاراقشىلاردىڭ قولىندا سۋىق قارۋ بولعان, دەپ حابارلايدى قازاقپارات.
بەتٸنە مەديتسينالىق بەتپەردەنٸ بٷركەپ, قولىنا پىشاق, ەكٸ اۋىزدىق اڭشى مىلتىعىن, اعاش شوقپار (دۋبينكا) ۇستاعان ٷش كٷدٸكتٸ جانارماي بەكەتٸندەگٸ كاسساعا باسا كٶكتەپ كٸرگەن.
ولار كاسسير مەن ونىڭ كٶمەكشٸسٸن قورقىتىپ, اقشا تالاپ ەتٸپ, كاسساداعى 120 مىڭ تەڭگەنٸ الىپ كەتكەن.
كەيٸن بەكەت ماڭىندا كٶلٸكتە توسىپ تۇرعان تٶرتٸنشٸ سىبايلاسىمەن بٸرگە بوي تاسالاعان.
شاردارا مەن جەتٸساي اۋدانىنىڭ پوليتسەيلەرٸ قىلمىسكەرلەردٸڭ ٸزٸنە تٷسٸپ, نەتيجەسٸندە كٷدٸكتٸنٸڭ ەكەۋٸن قولعا تٷسٸردٸ.
«قىلمىس تٷنگٸ ۋاقىتتا بولعاندىقتان كٶرگەن-بٸلگەن كۋەگەرلەر جوق. وعان قوسا كٷدٸكتٸلەر جەدەل قيمىلداپ, قاشىپ ٷلگەرگەن. بٸزگە حابار كەلٸسٸمەن ولاردىڭ ەرەكەتٸن سارالادىق. ەكٸ اۋداننىڭ پوليتسەيلەرٸ بٸرلەسە وتىرىپ, قاراقشىلاردىڭ كٶلٸگٸن وقيعا ورنىنان 40 شاقىرىم قاشىقتا ورنالاسقان جەتٸساي اۋدانىنداعى اۋىلدارىنىڭ بٸرٸنەن توقتاتتى. قىزمەتتٸك كٶلٸكپەن سوڭىنان جەتكەن پوليتسەيلەردٸ كٶرگەن قاراقشىلار كٶلٸكتٸ تاستاعان كٷيٸ قاشۋعا ەرەكەت ەتكەن. الايدا پوليتسەيلەردٸڭ كەسٸبي شەبەرلٸگٸ نەتيجەسٸندە, كٷدٸكتٸنٸڭ ەكەۋٸ دەل سول سەتتە ۇستالدى», - دەدٸ تٷركٸستان وبلىسى پوليتسييا دەپارتامەنتٸ باستىعىنىڭ ورىنباسارى, پوليتسييا پودپولكوۆنيگٸ قۇرمانبەك ساحوۆ.
قازٸر ەكٸ كٷدٸكتٸ قاماۋدا. ال بوي تاسالاپ كەتكەن ەكٸ سىبايلاسى ٸزدەستٸرٸلٸپ جاتىر.
