تٷركٸستان وبلىسىندا قورىقشىلارعا قارسىلىق كٶرسەتٸپ, ولاردىڭ بٸرٸن جاراقاتتاعان 6 براكونەر ۇستالدى. بۇل تۋرالى ايماقتىڭ پوليتسييا دەپارتامەنتٸنەن مەلٸم ەتتٸ, دەپ حابارلايدى "ۇلت اقپارات".
«جەتٸساي اۋداندىق پوليتسييا بٶلٸمٸنٸڭ كەزەكشٸ بٶلٸمٸنە جەتٸساي اۋداندىق اۋرۋحاناسىنان دەنە جاراقاتى بار ەر ادامنىڭ جەتكٸزٸلگەنٸ تۋرالى حابارلاما كەلٸپ تٷستٸ.
وقيعا ورنىنا جەتٸساي پوليتسيياسىنىڭ جەدەل-تەرگەۋ توبىنىڭ قىزمەتكەرلەرٸ شۇعىل شىقتى.
تەكسەرۋ بارىسىندا شاردارا سۋ قويماسىندا بالىق اۋلاۋمەن اينالىسقان براكونەرلەردٸ ۇستاۋ كەزٸندە جەكەمەنشٸك قورىقشىلىق قىزمەتٸندە جۇمىس ٸستەيتٸن قىزمەتكەردٸڭ بٸرٸ دەنە جاراقاتىن العانى انىقتالدى», - دەدٸ ۆەدومستۆودان.
وقيعا شاردارادا ورىن العاندىقتان, اتالعان جايت شاردارا اۋداندىق پوليتسييا بٶلٸمٸنٸڭ سوتقا دەيٸنگٸ تەرگەپ-تەكسەرۋ تٸزٸلٸمٸنە تٸركەۋگە الىندى.
«ەكٸ تەۋلٸك بويى اۋداندىق پوليتسييانىڭ جەدەل توبى براكونەرلەردٸڭ جەكە باسىن انىقتاۋ بويىنشا بارلىق قاجەتتٸ ٸس-شارالاردى جٷرگٸزدٸ. نەتيجەسٸندە پوليتسەيلەر قورىقشىلارعا قارسىلىق كٶرسەتۋگە قاتىسى بار دەگەن كٷدٸكپەن كٶرشٸ ماقتاارال اۋدانىنان 120 شاقىرىم جەردەن جەرگٸلٸكتٸ 6 تۇرعىندى ۇستادى.
كٷدٸكتٸلەرگە قاتىستى قر قك-نٸڭ 380-بابى «بيلٸك ٶكٸلٸنە قاتىستى كٷش قولدانۋ« بويىنشا سوتقا دەيٸنگٸ تەرگەۋ امالدارى جٷرگٸزٸلۋدە. تەرگەۋ وقيعانىڭ تولىق مەن-جايىن انىقتايدى», - دەپ تولىقتىردى وبلىستىق پد-نىڭ باسپاسٶز قىزمەتٸنەن.
