Túrkistan oblysynda qoryqshylarǵa qarsylyq kórsetip, olardyń birin jaraqattaǵan 6 brakoner ustaldy. Bul týraly aimaqtyń Politsiia departamentinen málim etti, dep habarlaidy "Ult aqparat".
«Jetisai aýdandyq politsiia bóliminiń kezekshi bólimine Jetisai aýdandyq aýrýhanasynan dene jaraqaty bar er adamnyń jetkizilgeni týraly habarlama kelip tústi.
Oqiǵa ornyna Jetisai politsiiasynyń jedel-tergeý tobynyń qyzmetkerleri shuǵyl shyqty.
Tekserý barysynda Shardara sý qoimasynda balyq aýlaýmen ainalysqan brakonerlerdi ustaý kezinde jekemenshik qoryqshylyq qyzmetinde jumys isteitin qyzmetkerdiń biri dene jaraqatyn alǵany anyqtaldy», - dedi vedomstvodan.
Oqiǵa Shardarada oryn alǵandyqtan, atalǵan jait Shardara aýdandyq politsiia bóliminiń Sotqa deiingi tergep-tekserý tizilimine tirkeýge alyndy.
«Eki táýlik boiy aýdandyq politsiianyń jedel toby brakonerlerdiń jeke basyn anyqtaý boiynsha barlyq qajetti is-sharalardy júrgizdi. Nátijesinde politseiler qoryqshylarǵa qarsylyq kórsetýge qatysy bar degen kúdikpen kórshi Maqtaaral aýdanynan 120 shaqyrym jerden jergilikti 6 turǵyndy ustady.
Kúdiktilerge qatysty QR QK-niń 380-baby «Bilik ókiline qatysty kúsh qoldaný« boiynsha sotqa deiingi tergeý amaldary júrgizilýde. Tergeý oqiǵanyń tolyq mán-jaiyn anyqtaidy», - dep tolyqtyrdy oblystyq PD-nyń baspasóz qyzmetinen.
