تٷركٸستان پوليتسەيلەرٸ جاعالاۋدا جوعالعان 6 جاسار بالانى تاپتى, دەپ حابارلايدى "ۇلت اقپارات".
شاردارا پوليتسيياسىنا جەتٸساي اۋدانىنىڭ تۇرعىنى قوڭىراۋ شالىپ, شاردارا سۋ قويماسىنىڭ «التىن جاعاجاي» اتتى تۇرعىنداردىڭ دەمالىس ورنىنا ارنالعان جاعالاۋىندا جٷرگەن 6 جاسار بالاسىنىڭ جوعالعانىن ايتىپ, كٶمەك سۇرادى.
پوليتسەيلەر حابار الىسىمەن جەدەل ەرەكەتكە كٶشتٸ. شاردارا اۋدانىنىڭ ۋچاسكەلٸك پوليتسييا ينسپەكتورى پوليتسييا كاپيتانى باقىتجان نۇرتازاەۆ جوعالعان بالانى تابۋ ٷشٸن بارلىق ٸزدەستٸرۋ جۇمىسىن جٷرگٸزدٸ.
ۋچاسكەلٸك پوليتسەيگە باسقا دا ەرٸپتەستەرٸ كٶمەككە كەلدٸ. ولار بالانىڭ سۋ جاعالاۋىندا جوعالعانىن ەسكەرٸپ, ۋاقىت ٶتكٸزبەستەن جاعالاۋدىڭ ماڭىن تٸنتي باستايدى.
نەتيجەسٸندە ۋچاسكەلٸك پوليتسييا ينسپەكتورى نۇرتازاەۆ 6 جاسار بٷلدٸرشٸندٸ جەتٸساي اۋدانىنا شىعاتىن جولدىڭ بويىنان تابادى.
بالا ويناپ جٷرٸپ اناسىنان اجىراپ قالعان. سودان بالا اداسىپ جاعالاۋدان 7 شاقىرىم جەرگە دەيٸن الىستاپ كەتكەن.
قازٸرگٸ تاڭدا بالا اتا-اناسىنا امان ەسەن قايتارىلدى. بالاسىمەن قاۋىشقان اتا-انا تەرتٸپ ساقشىلارىنا العىسىن جەتكٸزدٸ.
