Túrkistan politseileri jaǵalaýda joǵalǵan 6 jasar balany tapty, dep habarlaidy "Ult aqparat".
Shardara politsiiasyna Jetisai aýdanynyń turǵyny qońyraý shalyp, Shardara sý qoimasynyń «Altyn jaǵajai» atty turǵyndardyń demalys ornyna arnalǵan jaǵalaýynda júrgen 6 jasar balasynyń joǵalǵanyn aityp, kómek surady.
Politseiler habar alysymen jedel áreketke kóshti. Shardara aýdanynyń ýchaskelik politsiia inspektory politsiia kapitany Baqytjan Nurtazaev joǵalǵan balany tabý úshin barlyq izdestirý jumysyn júrgizdi.
Ýchaskelik politseige basqa da áriptesteri kómekke keldi. Olar balanyń sý jaǵalaýynda joǵalǵanyn eskerip, ýaqyt ótkizbesten jaǵalaýdyń mańyn tinti bastaidy.
Nátijesinde ýchaskelik politsiia inspektory Nurtazaev 6 jasar búldirshindi Jetisai aýdanyna shyǵatyn joldyń boiynan tabady.
Bala oinap júrip anasynan ajyrap qalǵan. Sodan bala adasyp jaǵalaýdan 7 shaqyrym jerge deiin alystap ketken.
Qazirgi tańda bala ata-anasyna aman esen qaitaryldy. Balasymen qaýyshqan ata-ana tártip saqshylaryna alǵysyn jetkizdi.
