اقتٶبە وبلىسىنداعى شالقار كٶلٸنٸڭ تابانى تازالانادى. قر ەكولوگييا, گەولوگييا جەنە تابيعي رەسۋرستار مينيسترٸ ماعزۇم مىرزاعاليەۆ Twitter-دەگٸ پاراقشاسىندا وسىلاي جازدى, دەپ حابارلايدى "ۇلت اقپارات".
«اقتٶبە وبلىسىنداعى شالقار كٶلٸندە جاعداي قيىن. سوڭعى جىلدارى سۋ ارناسى تارتىلىپ, تٷبٸ كەپتەلٸپ قالعان. بۇل كليماتتىق جاعدايلارعا بايلانىستى, سەبەبٸ مۇعالجار تاۋلارىندا جاۋىن-شاشىن از تٷسۋدە, قىستا قار از.
بٸز بيىل كٶلدٸڭ تابانىن تازالاۋ جوباسىن باستايمىز. قاجەتتٸ قارجى بٶلٸنٸپ جاتىر. شارا كٶلدەگٸ سۋدىڭ ساپاسىن, گيدروميحييالىق قۇرامىن جاقسارتۋعا, شالقار قالاسىن شارۋاشىلىق-تۇرمىستىق سۋمەن قامتاماسىز ەتۋگە مٷمكٸندٸك بەرەدٸ», - دەدٸ ماعزۇم مىرزاعاليەۆ.
مينيستردٸڭ ايتۋىنشا, ٶڭٸرگە ارنايى كوميسسييا بارعان.
«ايماققا كوميسسييا بارىپ, قار قورىنىڭ قالىڭدىعى سوڭعى 10 جىلدا ورتا ەسەپپەن 34 مم-دٸ قۇراعانىن انىقتادى. بۇل ورتاشا كٶپجىلدىق كٶرسەتكٸشتەن 20 مم-گە از. ال قار قورى ٶزەندەر مەن كٶلدەردٸ نەگٸزگٸ سۋمەن قامتاماسىز ەتەدٸ», - دەدٸ ول.
ەسكە سالايىق, قۇدايبەرگەن جۇبانوۆ اتىنداعى ۋنيۆەرسيتەتتٸڭ ەكولوگييا كافەدراسىنىڭ دوتسەنتٸ اقىلجان تەلەۋوۆ شالقار كٶلٸ مەن مۇعالجار تاۋلارىنىڭ مەسەلەسٸ قازٸردەن باستاپ شەشٸلمەسە, اقتٶبە وبلىسىنا ەكولوگييالىق اپات قاۋپٸ تٶنٸپ تۇرعانىن مەلٸمدەگەن بولاتىن. جەرگٸلٸكتٸ تۇرعىندار شالقارداعى سۋ دەڭگەيٸ كٷرت تٶمەندەي باستاعانىن بايقاپ, دابىل قاعىپ وتىر. كٶل باتپاققا اينالا باستادى, تٷبٸ لاي, جاعاسى قامىسقا تولعان.
