ەگەر اتا-انالاردىڭ ٶتٸنٸشتەرٸ بولسا, باستاۋىش سىنىپتار بويىنشا ۋاقىتشا سىنىپتاردى اشىپ بەرۋگە دايىنبىز. بۇل تۋرالى ورتالىق كوممۋنيكاتسييالار قىزمەتٸندە ٶتكەن ونلاين-بريفينگتە قر بٸلٸم جەنە عىلىم مينيسترٸ اسحات ايماعامبەتوۆ ايتتى, دەپ حابارلايدى قازاقپارات.
«1 قىركٷيەكتەن باستاپ ەلٸمٸزدەگٸ بارلىق مەكتەپ قاشىقتان وقيدى. وسىعان قاتىستى 1-2 كٸشٸگٸرٸم مەسەلەنٸ ايتىپ ٶتەيٸن. بٸرٸنشٸدەن, قاشىقتان وقىتۋ فورماتىن ەنگٸزەمٸز دەپ ايتقاننىڭ ٶزٸندە بٸزدە شالعايداعى اۋىلداردا شاعىن جيناقتى مەكتەپتەر بار. ولاردا 5, 10, 15 بالا بار. ولار ٶز مەكتەپتەرٸنە جاياۋ بارىپ جٷرەدٸ. وسىنداي قاۋٸپ جوق ٶڭٸرلەردە ورنالاسقان مەكتەپتەردە شتاتتى رەجيمدە ەرٸ قاراي وقىتۋعا, جۇمىس ٸستەۋگە مٷمكٸندٸك بەرٸپ وتىرمىز», - دەيدٸ بٸلٸم جەنە عىلىم مينيسترٸ اسحات ايماعامبەتوۆ.
ونىڭ ايتۋىنشا, ەكٸنشٸ مەسەلە باستاۋىش سىنىپ وقيتىن وقۋشىلارعا قاتىستى.
«ەگەر اتا-انالاردىڭ ٶتٸنٸشتەرٸ بولسا, ناقتى وسى باستاۋىش سىنىپتار بويىنشا ۋاقىتشا سىنىپتاردى اشىپ بەرۋگە دايىنبىز. وسىنداي سىنىپتار اشقاندا تيٸستٸ جاعداي جاساۋىمىز قاجەت. سانيتارلىق تالاپتارعا ساي بارلىق جۇمىس جٷرگٸزٸلەتٸن بولادى. بالا تاڭەرتەڭ ساباققا كەلگەندە دەنە قىزۋىن ٶلشەۋ, ونى زالالسىزداندىرۋ مەسەلەسٸن قولعا الۋ بويىنشا, سىنىپتاردى بٸرنەشە اۋىسىمعا بٶلۋ مەسەلەسٸن قاراستىراتىن بولامىز. سىنىپتا 10-15 بالا عانا بولىپ, ياعني سىنىپتاردى بٸرنەشەگە بٶلٸپ وقىتۋ مەسەلەسٸن قاراستىرامىز», - دەيدٸ ول.
