قازاقستان رەسپۋبليكاسى پارلامەنتٸ سەناتى تٶراعاسىنىڭ ورىنباسارى اسقار شەكٸروۆ ۆەنادا (اۋسترييا) ٶتكەن ەقىۇ پارلامەنتتٸك اسسامبلەياسىنىڭ جازعى سەسسيياسىنا قاتىستى, دەپ حابارلايدى "ۇلت اقپارات" سەناتتىڭ باسپاسٶز قىزمەتٸنە سٸلتەمە جاساپ.
ەقىۇ پارلامەنتشٸلەرٸ تۇراقتى كوميتەتتٸڭ وتىرىسى مەن جالپى وتىرىس بارىسىندا پارلامەنتتٸك اسسامبلەيانىڭ اعىمداعى قىزمەتٸ مەن باسىمدىقتارىن تالقىلادى, حالىقارالىق كٷن تەرتٸبٸندەگٸ ٶزەكتٸ مەسەلەلەر بويىنشا شەشٸم قابىلدادى.
تٶراعا ورىنباسارى سەسسييا اياسىندا ەزەربايجان, بولگارييا, دانييا, ليتۆا, اقش, فينلياندييا, شۆەتسييانىڭ ۇلتتىق دەلەگاتسييالارىنىڭ باسشىلارىمەن, ونىڭ ٸشٸندە ەقىۇ پا-نىڭ جاڭادان سايلانعان تٶراعاسى م.سەدەرفەلتپەن كەزدەستٸ.
اسقار شەكٸروۆ ەۋروپالىق دەپۋتاتتاردى جاڭعىرتۋ جٶنٸندەگٸ كٷن تەرتٸبٸ اياسىندا جٷزەگە اسىپ جاتقان مەملەكەت باسشىسىنىڭ دەموكراتييالىق رەفورمالارىنىڭ ٷش توپتاماسىمەن تانىستىردى.
ەقىۇ پارلامەنتشٸلەرٸ پرەزيدەنت ق.ك.توقاەۆتىڭ باستاماسى بويىنشا قازاقستاندا جٷزەگە اسىپ جاتقان ساياسي جەنە ەلەۋمەتتٸك-ەكونوميكالىق ٶزگەرٸستەرگە قولداۋ بٸلدٸردٸ.
دانييا دەلەگاتسيياسىنىڭ باسشىسى پ.يۋەل-يەنسەنمەن كەزدەسۋ بارىسىندا قازاقستانمەن پارلامەنتارالىق ديالوگتى دامىتۋعا باسا نازار اۋدارىلدى جەنە دانييا پارلامەنتٸندە ورتالىق ازييامەن دوستىق توبىن قۇرۋ تۋرالى ۋاعدالاستىققا قول جەتكٸزٸلدٸ.
سەسسييا اياسىندا ەقىۇ پارلامەنتتٸك اسسامبلەياسىنىڭ باسشىلىق قۇرامىنا سايلاۋ بولدى, ونىڭ قورىتىندىسى بويىنشا سەنات تٶراعاسىنىڭ ورىنباسارى اسقار شەكٸروۆ ۇيىم تٶراعاسىنىڭ ورىنباسارى بولىپ سايلاندى.
