قاراعاندى وبلىسى, شاحتينسك قالاسىندا مٷگەدەك بالالاردىڭ اتا-انالارى دابىل قاعۋدا. بالالار جاتتىعاتىن دامۋ ورتالىعى عيماراتسىز قالۋى مٷمكٸن, دەپ حابارلايدى قازاقپارات.
كەكەش, اۋتيزم جەنە داۋن سيندرومى بار بالالارعا ارنالعان دامۋ ورتالىعى بەس جىلدان استام ۋاقىت جۇمىس ٸستەپ كەلەدٸ. وندا 20-دان استام بالا اينالىسادى. جاقىندا ساباقتار ٶتەتٸن عيماراتتان ايىرىلۋ قاۋپٸ تۋىندادى.
ورتالىق يەلەرٸ عيماراتتى ساتىپ الماقشى بولعان. الايدا بانك ولارعا نەسيە بەرۋدەن باس تارتتى.
«بانكتەر بٸزگە نەسيە بەرۋدەن باس تارتادى, ٶيتكەنٸ ٶتكەن جىلدارداعى تابىسىمىز ٶتە از بولدى. دەرٸگەرلەردٸڭ سانيتارلىق تالاپتارى بويىنشا نىساندا بالالاردى قابىلداۋعا شەكتەۋلەر بولعاندىقتان, بٸز ساباقتاردى جٷرگٸزە المادىق», - دەيدٸ دامۋ ورتالىعىنىڭ جەتەكشٸسٸ ەلەنا راتاششۋك.
بۇل جاعداي تۋرالى بٸلگەن سوڭ, ورتالىققا كەلگەن بالالاردىڭ اتا-انالارى دابىل قاعا باستاعان. ولار قالا بيلٸگٸنەن ٷي-جاي مەسەلەسٸن شەشۋدٸ ٶتٸنۋدە.
شاحتينسك قالاسىنىڭ بٸلٸم بەرۋ بٶلٸمٸندە بالالار كٶشەدە قالمايدى, ولاردى مەملەكەتتٸك بالاباقشالار قابىلدايدى دەپ سەندٸردٸ. ەرەكشە قاجەتتٸلٸكتەرٸ بار بالالار ٷشٸن وندا 200-دەن استام ورىن بار. سونداي-اق, بٸلٸم بٶلٸمٸ مەملەكەتتٸك تاپسىرىس بويىنشا 75 بالاعا قاراجات بٶلۋگە دايىن ەكەندەرٸن جەتكٸزدٸ. الايدا ورتالىققا قويىلىپ وتىرعان مٸندەتتٸ شارت – ساباقتاردى ٶتكٸزۋ ٷشٸن عيماراتتىڭ بولۋى.
«كەسٸپكەر ايىنا 4 ملن تەڭگەگە دەيٸن الادى. تيٸسٸنشە, مەملەكەت وسى بٸلٸم بەرۋ ۇيىمىنا قاراجات بٶلۋ ٷشٸن ولاردىڭ ماتەريالدىق-تەحنيكالىق بازاسى قۇرىلۋى كەرەك دەگەن تالاپ قويادى. ٶڭٸردە بوس عيماراتتار بار», - دەيدٸ قالالىق بٸلٸم بٶلٸمٸنٸڭ باسشىسى نيكولاي ونسوۆيچ.
