سوڭعى ٷش جىلدا «سەرپٸن-2050» باعدارلاماسىمەن بٶلٸنگەن 11 296 گرانتتىڭ 5516-سىن ياعني 50 پايىزىن وڭتٷستٸك قازاقستان وبلىسىنىڭ جاستارى يەمدەنگەن. دەسەك تە جوباعا قاتىسۋعا نيەتتٸ جاستاردىڭ سانى جىلدان-جىلعا ارتىپ كەلەدٸ. وسىعان بايلانىستى جوباعا بٶلٸنەتٸن گرانت سانىن كەمٸندە 5 مىڭعا كٶبەيتۋ كٶزدەلٸپ وتىر. بٷگٸن بۇل تۋرالى وبلىس ەكٸمٸ ج. تٷيمەباەۆتىڭ تٶراعالىعىمەن ٶتكەن سەلەكتورلىق وتىرىستا وبلىستىق جاستار ساياساتى مەسەلەلەرٸ باسقارماسىنىڭ باسشىسى بالمارجان ناربەكوۆا مەلٸم ەتتٸ, دەپ جازادى "ۇلت اقپارات" وقو ەكٸمٸنٸڭ باسپاسٶز قىزمەتٸنە سٸلتەمە جاساپ.
ەلٸمٸزدە جاستاردىڭ ساپالى بٸلٸم الۋىنا مول مٷمكٸندٸك بەرٸپ وتىرعان «سەرپٸن-2050» جوباسى ەلباسىمىز نۇرسۇلتان ەبٸشۇلىنىڭ تاپسىرماسىمەن 2014 جىلدان بەرٸ جٷزەگە اسىرىلىپ كەلەدٸ. اتالعان جوبانىڭ ماقساتى - جاستاردى حالقى از قونىستانعان جەنە ەڭبەك كٷشٸن قاجەت ەتەتٸن سولتٷستٸك ايماقتارداعى جوعارى جەنە كەسٸپتٸك-تەحنيكالىق وقۋ ورىندارىنا ورنالاستىرۋ جەنە جۇمىسپەن قامتۋ. جالپى جوباعا 14 وبلىس قاتىسسا, ونىڭ ٸشٸندە 9-ى قابىلداۋشى, ال, 5-ۋٸ جٸبەرۋشٸ ٶڭٸر.
«جوباعا ەلٸمٸزدەگٸ 133 جوعارى وقۋ ورىندارىنىڭ اراسىنان 25 جوعارى وقۋ ورىندارىندا پەداگوگيكالىق 15 ماماندىق, تەحنيكالىق 14, اۋىلشارۋاشىلىعى 9, ۆەتەرينارييا 2 ماماندىق بويىنشا تالاپكەرلەر قابىلداۋدا. ماماندىقتاردىڭ جالپى سانى 40-قا جۋىقتايدى. جوباعا قاتىسۋشى ەربٸر تالاپكەرلەرگە بارلىق ەلەۋمەتتٸك جەڭٸلدٸكتەر قاراستىرىلىپ, ستۋدەنتتەر ٷشٸن بارلىق ماتەريالدىق-تەحنيكالىق بازامەن تولىقتاي جابدىقتالعان», - دەدٸ بالمارجان پولاتقىزى.
اتالعان جوبا اياسىندا وبلىسىمىزداعى «جاستار رەسۋرستىق ورتالىقتارى» اۋىلدىق جەرلەردەگٸ 800-گە جۋىق جالپى بٸلٸم بەرەتٸن مەكتەپتەردەگٸ بٸتٸرۋشٸ تٷلەكتەرمەن كەزدەسۋلەر ۇيىمداستىرىلعان. نەتيجەسٸندە پەداگوگيكالىق ماماندىقتار بويىنشا 12 جوعارى وقۋ ورىنىنا, تەحنيكالىق, اۋىلشارۋاشىلىعى جەنە ۆەتەرينارييا ماماندىقتارى بويىنشا 22 جوعارى وقۋ ورىندارىنا 8 مىڭعا جۋىق تالاپكەرلەردەن قۇجاتتار قابىلدانىپ, ۇلتتىق تەستٸلەۋ ورتالىعىنا جولدانعان.
«ەلٸمٸزدەگٸ «سەرپٸن-2050» جوباسى تەگٸن بٸلٸم الۋعا ٷلكەن مٷمكٸندٸك بەرەدٸ. بۇل باعدارلامانىڭ ساياسي ماڭىزدىلىعىن اۋدان, قالا باسشىلارى جاقسى تٷسٸنٸپ, ٷگٸت-ناسيحات جۇمىستارىن جانداندىرۋى قاجەت. «سەرپٸن -2050» جوباسى مەن حالىقتى سولتٷستٸككە ٶز ەركٸمەن كٶشٸرۋ باعدارلاماسىن بٸرٸكتٸرۋ مەسەلەسٸن ويلاستىرعان جٶن. ول ٷشٸن مونيتورينگ جۇمىستارىن جانداندىرىپ, ناقتى ۇسىنىستار ەزٸرلەنسٸن», - دەدٸ جانسەيٸت قانسەيٸتۇلى.
جيىندى قورىتىندىلىعان ٶڭٸر باسشىسى وڭتٷستٸكتەن سولتٷستٸككە كٶشٸپ بارعان وتباسىلاردىڭ بالالارىن دا «سەرپٸن» جوباسىمەن بٸلٸم الۋىنا ىقپال ەتٸپ, جۇمىسپەن قامتۋ مەسەلەسٸن نازارعا الۋدى تاپسىردى.
