فوتو Facebook جەلٸسٸنەن الىندى
جۋىردا ايتىسكەر اقىن سەرٸكزات دٷيسەنعازىنىڭ جالعىز ۇلى بۋرابايعا جاقىن جەردەگٸ شاڭعى بازاسىندا جۇمباق جاعدايدا كٶز جۇمعان. اۋىر قايعىدان ەسٸن ەندٸ جيناعان ەكە بالاسىنىڭ ٶلٸمٸنە قاتىستى شىندىقتى ايتىپ, جەلٸدە جازبا جارييالادى, دەپ حابارلايدى "ۇلت اقپارات".
"اسسالاۋماعالەيكۋم, اعايىن! كٷتپەگەن وقىس جاعدايدان ەستٸ ەندٸ عانا جيىپ وتىرعان جايىم بار. مۇنداي اۋىر سىناقتى اللا ەشكٸمنٸڭ باسىنا بەرمەسٸن. قايعىرعانعا باسۋ ايتىپ, قامىققانعا اقىل ايتىپ جٷرگەن ادام بولسام دا, جٷرەككە جازىلماس سىزات تٷستٸ. ەندٸ ونىڭ ەمٸ تەك اللانىڭ تۋرا جولى, يسلامنىڭ يمان بايلىعى عانا بولار. تاعدىرعا يمان كەلتٸرگەن مۇسىلمانبىز عوي. بەرگەنٸنە شٷكٸرلٸك قىلعان اللاعا العانىنا كٷپٸرلٸك قىلمايمىز.
الدىمەن وسى ەڭ قيىن سەتٸمدە قۇلىنشاعىمنىڭ قايعىسىن بٶلٸسكەن بارشا قازاق حالقىنا پەرزەنتتٸك ھەم ەكەلٸك العىسىمدى ايتامىن. تٶبەسٸنە كٶتەرگەن قارا ورمان حالقىم بولماسا ەشكٸم ەمەس ەكەنٸمدٸ بٸلەمٸن. اللا جازسا, ەندٸ قالعان عۇمىرىمدا قازاعىمنىڭ كەلەشەگٸ ٷشٸن قىزمەت ەتٸپ ٶتەرمٸن.
مەن - پرەزيدەنت قاسىم-جومارت كەمەلۇلىمەن كەزدەسٸپ سٶيلەسكەن ادام ەمەسپٸن. باسىما قايعى تٷسكەندە ونى مەملەكەت باسشىسىنىڭ بٶلٸسكەنٸن ازاماتتىق دەپ سانايمىن. ەلٸ ٶمٸردٸڭ ٷلكەن ەسٸگٸن اشىپ ٷلگەرمەگەن پەرٸشتە بالام ٷشٸن مەنٸمەن بٸرگە قايعىرىپ, كٶڭٸل ايتۋ حاتتارىن جولداعان پرەزيدەنت اپپاراتىنا, ٷكٸمەت مٷشەلەرٸنە, دەپۋتتاتتارعا, وبلىس ەكٸمدەرٸنە, رەكتورلارعا, اقپارات قۇرالدارىنىڭ باسشىلارىنا, باس مٷفتي باستاعان دٸن قىزمەتكەرلەرٸنە راحمەتٸمدٸ ايتامىن. تٸلەك-نيەتتەرٸڭٸز قۇدايدان قايتسىن!" - دەپ جازدى ول.
اقىن جالعىز ۇلى بولعان سوڭ مارقۇم ەليحاننىڭ بويىنا ەر ازاماتقا تەن بارلىق قاسيەتتەردٸ سٸڭٸرٸپ ٶسٸرۋگە تىرىسقانىن ايتتى.
"ٶزٸم قانداي دا بٸر جاقسى ورتاعا بارسام, ەرتٸپ اپارىپ, كٶرسەتٸپ جٷرەتٸنمٸن. ەكەۋمٸز قولىمىز بوس ۋاقىتتا اتقا مٸنٸپ, بالىق اۋلايتىنبىز. جازدى كٷندەرٸ تاۋعا شىعىپ, كٶلگە شومىلساق, قىستى كٷندەرٸ كونكي مەن شاڭعى تەبەتٸنبٸز. كٸشكەنتاي كٷنٸنەن قالاعان كٸتاپتارىن ساتىپ ەپەرٸپ بٸلٸمدٸ بولۋعا تەربيەلەدٸك. قازاقتىڭ حالىق ەرتەگٸلەرٸنەن, بالالار ەدەبيەتٸنٸڭ وزىق ٷلگٸلەرٸنەن, تانىمدىق ەنتسيكلوپەدييالاردان ٶزٸنٸڭ جەكە كٸتاپحاناسىن جاساقتادىق. قۇراننىڭ ەلٸپپەسٸن تانىتۋ ٷشٸن ەكٸ جىل «ەزٸرەت سۇلتان» مەشٸتٸنٸڭ جازعى يماندىلىق كۋرستارىندا وقىتتىم. نەتيجەسٸ جامان بولعان جوق. جەتٸنشٸ سىنىپقا دەيٸن №48 مەكتەپ-ليتسەيدە بٸلٸم الدى. جەتٸنشٸ سىنىپتا №9 «زەردە» دارىندى بالالار مەكتەبٸنە قابىلداندى. سول مەكتەپتٸڭ مىقتى ۇستازدارىنىڭ ارقاسىندا بويىنداعى عالىمدىق قابٸلەتٸ اشىلدى. فيزيكا, ينفورماتيكا, روبوتوتەحنيكا سالالارى بويىنشا ٶتكەن قالالىق, رەسپۋبليكالىق, حالىقارالىق وليمپيادالار مەن عىلىمي جوبالاردىڭ جيىرمادان اسا سايىسىندا ولجا سالدى. جوعارى ماتەماتيكا مەن فيزيكانى جاقسى مەڭگەردٸ. تٸپتٸ, ونىڭ جاساعان ٶنەرتاپقىشتىق جوبالارىن ٶتكەن جازدا «قازاقستان» ۇلتتىق ارناسى تٷسٸرٸپ, ەفيردەن كٶرسەتكەنٸن ەندٸ عانا بٸلٸپ وتىرمىن. ماعان ول تۋرالى ٶزٸ ايتقان جوق. ماقتانعاندى ۇناتپايتىن. ارمانى نيكولا تەسلا سيياقتى ينجەنەر-ٶنەرتاپقىش عالىم بولۋ ەدٸ. الداعى اقپان ايىندا جيىرما ٷش مەملەكەت قاتىساتىن حالىقارالىق «جەۋتٸكوۆ» وليمپياداسىنىڭ وقۋ-جاتتىعۋ دايىندىعىنان تولىق ٶتكەن-تۇعىن. ەندٸ مەدال ەكەلەدٸ دەپ كٷتٸپ جٷرگەندە وسىنداي جاعدايعا دۋشار بولدىق" - دەيدٸ قايعىعا دۋشار بولعان شايىر.
سەرٸكزات ماقسۇتۇلىنىڭ جازۋىنشا, ول ەليحاننىڭ تەپ-تەۋٸر اقىن بولعانىن دا ۇستازدارى جٸبەرگەن ٶلەڭدەرٸنەن تانىعان.
"بۇرىنىراقتا بالاڭ ٶلەڭدەر جازىپ جٷرگەنٸن بٸلەتٸنمٸن. ٶلەڭدٸ قازاقشا دا, ورىسشا دا جازاتىن. ەسٸرەسە, ورىس تٸلٸ مۇعالٸمٸ جٸبەرگەن كەيٸنگٸ ٶلەڭدەرٸنەن قالىپتاسقان اقىننىڭ قولتاڭباسىن كٶرٸپ اڭ-تاڭ بولىپ وتىرمىن. ول ٶلەڭدەردٸ كەيٸنٸرەك وسى جەلٸگە سالامىن.
بالامىز شاڭعىدان وقىس جاعدايدا وپات بولدى دەسەك تە كەيبٸر تۇستارى بٸزگە ەلٸ كٷڭگٸرتتەۋ بولىپ تۇر. ول شاڭعىنى ٶتە جاقسى تەبەتٸن. اعاشقا قانداي جاعدايدا سوعىلعانى بەيمەلٸم. سول سوڭعى رەت تاۋعا كٶتەرٸلٸپ بارا جاتقانىن اناسى تٷسٸرگەن ۆيدەو بار. ارى قاراي نە بولعانىن بٸز بٸلمەيمٸز. «ەلٸكتٸ» شاڭعى بازاسىنىڭ قىزمەتكەرلەرٸ بٸر جارىم ساعاتتاي قۇلاعان بالانى تاۋدان تٶمەنگە تٷسٸرمەي, العاشقى مەديتسينالىق كٶمەك كٶرسەتپەي تىعىپ ۇستاعانى كٶكەيگە كٷدٸك ۇيالاتادى. سوندىقتان وقيعا بولعان سەتتٸ كٶرگەن كۋەگەرلەردٸ ٸزدەپ جاتقانىمىز راس. يە, بالامىز ەندٸ قايتىپ ورالماس. بٸراق باسقا ادامدار دا بٸزدٸڭ كٷيٸمٸزدٸ كەشپەسە ەكەن دەپ الاڭدايمىز. سەبەبٸ, شاڭعى بازاسىندا ەشقانداي تەحنيكالىق قاۋٸپسٸزدٸك ساقتالماعان. مىڭداعان ادام سىرعاناپ جاتقان جەردە العاشقى كٶمەك كٶرسەتەتٸن دەرٸگەرلەرٸ دە جوق. ول بىلاي تۇرسىن, بالاسىن جوعالتىپ شىرىلداعان اتا-اناعا ەشكٸم جاۋاپ بەرمەي, بٸر-بٸرٸنە سٸلتەگەنٸن قالاي تٷسٸنەمٸز? سول «ەلٸكتٸ» ەشتەڭە بولماعانداي ەلٸ جۇمىس ٸستەپ تۇرعان كٶرٸنەدٸ. بٸزدٸڭ ەلدە ادامنىڭ قۇنى جوق ەكەنٸ, ەشكٸم ەشتەڭەگە جاۋاپتى ەمەس ەكەنٸ وسىدان-اق بٸلٸنبەي مە? سوندىقتان بٸزدٸڭ مەملەكەتتٸك ورگاندار وسىنداي دەمالىس ورىندارىنىڭ تەحنيكالىق قاۋٸپسٸزدٸگٸن تەكسەرۋ كەرەك دەپ سانايمىن. ونى بۇقارالىق اقپارات قۇرالدارى تٷسٸرٸپ, حالىققا جارييالاۋ كەرەك. ونسىز دا ات تٶبەلٸندەي از قازاقپىز. قىرىپ تاستاي بەرەتٸن ارتىق ادام جوق بٸزدە! اللا تاعالا قارا ورمان قازاعىمدى امان قىلسىن! كٸشكەنتاي ەليحانىمنىڭ جەتپەگەن ۇلى ارمانىنا جەتەتٸن ۇرپاق كٶپ بولۋىن تٸلەيمٸن!" - دەپ سٶزٸن اياقتادى اقىن.
