ماڭعىستاۋ وبلىسىنىڭ ەكٸمٸ سەرٸكباي ترۇموۆ ٶڭٸر تۇرعىندارىنا ٷندەۋ جاسادى, دەپ حابارلايدى "ۇلت اقپارات".
ماڭعىستاۋ وبلىسىنىڭ ەكٸمٸ سەرٸكباي ترۇموۆ قاۋٸپتٸ ٸندەت - كوروناۆيرۋس پەن پنەۆمونييانىڭ كٷن سايىن ٶسٸپ بارا جاتقانىنا الاڭداپ, ٶڭٸر تۇرعىندارىن كارانتين تالاپتارىن قاتاڭ ساقتانۋعا شاقىردى.
«بٷگٸنگٸدەي ەلٸمٸز ٷشٸن اسا قاۋٸپتٸ بولىپ وتىرعان سىن سەتتە سٸزدەرگە ارنايى ٷن قاتىپ وتىرمىن. جاعداي ٶتە كٷردەلٸ. تۇرعىندار اراسىندا ناۋقاستاردىڭ سانى ارتىپ, اۋرۋحانالارعا تٷسٸپ جاتقاندار ٶتە كٶپ. سوڭعى تەۋلٸكتە ٶڭٸردە قاۋٸپتٸ ٸندەتتٸ جۇقتىرعاندار سانى 208-گە جەتتٸ», - دەدٸ ترۇموۆ.
وبلىستاعى اۋرۋحانالارعا بٸر كٷننٸڭ ٸشٸندە 72 ناۋقاس تٷسٸپ وتىر. سوڭعى مەلٸمەتتەرگە سەيكەس, بٷگٸندە دەل وسى دياگنوزبەن 506 ادام ەم قابىلداۋدا. ولاردىڭ 31 اۋىر, 12 ٶتە اۋىر حالدە جاتىر. اۋرۋحانالارىمىز تولۋعا جاقىن. ٶكٸنٸشكە قاراي بۇل كوروناۆيرۋستان كٶز جۇمعاندار سانى دا كٶبەيٸپ بارادى. شٸلدە ايى باستالعالى ەكٸ اپتا ٸشٸندە 34 ادام قايتىس بولدى.
«جاعدايدىڭ كٷردەلٸلٸگٸن ەسكەرە وتىرىپ, بارشاڭىزدى سانيتارلىق تالاپتاردى قاتاڭ ساقتاۋعا شاقىرامىن. بىلتىردان بەرٸ جٷزدەگەن جاندى جالماعان ٸندەتتٸڭ بەتٸن قايتارۋعا بٸرلەسە اتسالىسپاساق, دەرٸگەرلەردٸڭ كٶمەگٸمەن اۋىزدىقتاۋ مٷمكٸن بولماي وتىر. ەلدٸڭ, جاقىندارىڭىزدىڭ اماندىعى ٷشٸن توي, ساداقا جاساۋدى, كٶپشٸلٸكتٸ جيناۋدى ۋاقىتشا توقتاتۋلارىڭىزدى سۇرايمىن. ەربٸر ادام جاۋاپكەرشٸلٸكتٸ تەرەڭ سەزٸنبەيٸنشە, قاۋٸپ سەيٸلمەيدٸ», - دەدٸ ەكٸم ٶز ٷندەۋٸندە.
