فوتو: اشىق دەرەككٶز
استانادا 2026 جىلدان باستاپ كٷشٸنە ەنەتٸن جاڭا سالىق كودەكسٸن تٷسٸندٸرۋ بويىنشا رەسپۋبليكالىق سەمينارلار سەريياسى اياقتالدى. قورىتىندى ٸس-شاراعا پرەمەر-مينيستردٸڭ ورىنباسارى – ۇلتتىق ەكونوميكا مينيسترٸ سەرٸك جۇمانعارين, قارجى مينيسترٸ مەدي تاكيەۆ, سونداي-اق مەملەكەتتٸك كٸرٸستەر كوميتەتٸ مەن «اتامەكەن» كەسٸپكەرلەر پالاتاسىنىڭ ٶكٸلدەرٸ قاتىستى, دەپ حابارلايدى Ult.kz.
ٶز سٶزٸندە سەرٸك جۇمانعارين بيزنەس ٷشٸن ماڭىزدى مەسەلەلەردٸڭ بٸرٸ - ارنايى سالىق رەجيمدەرٸن قولدانۋ تۋرالى ەگجەي-تەگجەيلٸ توقتالدى.
«مۇنداعى باستى قاعيدا: بۇعان دەيٸن كٸم وڭايلاتىلعان سالىق رەجيمٸندە جۇمىس ٸستەپ كەلگەن بولسا, سول رەجيمدە قالادى», — دەدٸ ۆيتسە-پرەمەر.
سونىمەن قاتار ٶڭدەۋ ٶنەركەسٸبٸ ٷشٸن ەرەكشە ەرەجەلەر ەنگٸزٸلۋدە. ۆيتسە-پرەمەر تٷپكٸ تۇتىنۋشىمەن تٸكەلەي جۇمىس ٸستەيتٸن كەسٸپورىندارعا وڭايلاتىلعان سالىق رەجيمٸن قولدانۋعا رۇقسات ەتٸلەتٸنٸن ايتتى.
«ٶڭدەۋ ٶنەركەسٸبٸنٸڭ بٸر بٶلٸگٸنە رۇقسات بەرەمٸز. ەڭ الدىمەن, ول كەسٸپورىن وفسەتتە نەمەسە ٸرٸ كەسٸپورىندار ٷشٸن جەتكٸزۋشٸ بولىپ سانالمايتىن B2C سەكتورىنا باعىتتالعان بولۋى تيٸس», — دەپ اتاپ ٶتتٸ سەرٸك جۇمانعارين.
اتالعان سەكتوردىڭ قالعان بٶلٸگٸ ٷشٸن جالپىعا بٸردەي بەلگٸلەنگەن سالىق سالۋ تەرتٸبٸن قولدانۋ كٶزدەلگەن. بۇل تەسٸل مۇنداي كەسٸپورىندار ٷشٸن قولدانىستاعى سالىقتىق ىنتالاندىرۋ شارالارىنىڭ بار ەكەنٸمەن بايلانىستى, سونىڭ ٸشٸندە ولارعا ٶندٸرٸستٸك ماقساتتاعى يمپورت تاۋارلار بويىنشا ققس ەسەپتەلەدٸ جەنە جاڭعىرتۋ جۇمىستارى كەزٸندە سالىق الىنبايدى. سالانى مەملەكەتتٸك قارجىلىق قولداۋدىڭ اۋقىمدى شارالارىن جٷزەگە اسىرۋ دا نەگٸزگٸ فاكتور بولىپ سانالادى.
«بٸز دامۋ ينستيتۋتتارى بويىنشا اۋقىمدى باعدارلامانى باستادىق. "بەيتەرەكتٸ" كاپيتالداندىرۋ بيىل 1 ترلن تەڭگەگە جۋىقتادى, ال ٷش جىلدىق بيۋدجەتكە جىل سايىن 1 ترلن تەڭگەدەن سالىپ وتىرمىز. بٸزدٸڭ بيزنەسكە, سونىڭ ٸشٸندە نەگٸزٸنەن ٶڭدەۋ ٶنەركەسٸبٸنە جاساپ وتىرعان قولداۋ شارالارىمىز قوماقتى قارجىنى تالاپ ەتەدٸ. سول سەبەپتٸ جالپى العاندا ٶڭدەۋ سالاسى قولداۋدان شەت قالمايدى دەۋگە بولادى», — دەپ قورىتىندىلادى سەرٸك جۇمانعارين.
