1 جەلتوقساننان باستاپ ەلٸمٸزدٸڭ بارلىق كينوتەاترىندا بوكسشى سەرٸك سەپيەۆتٸڭ شىنايى وقيعاسىنا نەگٸزدەلگەن فيلمٸ پروكاتقا شىعادى, دەپ حابارلايدى قازاقپارات.
رەجيسسەر اقان ساتاەۆتىڭ جاڭا فيلمٸ وليمپيادا چەمپيونى, بوكسشى سەرٸك سەپيەۆتٸڭ ٶمٸربايانى جەلٸسٸندە تٷسٸرٸلدٸ. تۋىندىدا سەرٸكتٸڭ بوكستاعى العاشقى قادامدارىنان باستاپ, مانسابىنداعى باستى ماقساتى – وليمپيادا التىنىنا قول جەتكٸزۋ جولى باياندالادى.
وقيعا سۇحبات فورماتىندا بەرٸلگەن, وندا سەرٸك ٶمٸرٸنٸڭ ەرەكشە كەزەڭدەرٸن ەسكە الىپ, سپورتتاعى جولى قالاي باستالعانى, جەڭٸلٸستەرٸ, جەڭٸستەرٸ جەنە ارمانىنىڭ ورىندالعانى تۋرالى ەڭگٸمەلەيدٸ. سونداي-اق فيلمدە ماحاببات پەن دوستىق كٶرٸنٸستەرٸ دە بار.
فيلمنٸڭ ستسەناريٸن جازۋعا اقان ساتاەۆتىڭ ٶزٸنەن بٶلەك ەكٸ ادام قاتىستى. ەدەبي ستسەناريدٸ جازۋعا تيمۋر جاقسىلىقوۆ پەن الميرا تۇرسىن اتسالىستى. سەرٸك سەپيەۆ كەڭەسشٸ بولدى.
باستى رٶلدٸ جاس اكتەر-دەبيۋتانت سمادييار سابىروۆ سومدادى.
«بٸز فيلمدٸ ۇزاق ۋاقىت تٷسٸردٸك - ەكٸ جىلدان استام ۋاقىت جۇمىس ٸستەدٸك. دايىندىق كەزەڭٸ مەن كاستينگكە ٷلكەن جاۋاپكەرشٸلٸكپەن قارادىق. بٸز باستى كەيٸپكەرٸمٸزدٸ ۇزاق ۋاقىت ٸزدەدٸك. قۇدايعا شٷكٸر, ونى تاپتىق. بۇل سپورتتىق دراما, وليمپيادا چەمپيونى تۋرالى وقيعا, سوندىقتان كەيٸپكەر ەكراندا سەنٸمدٸ كٶرٸنۋٸ ٷشٸن تەك اكتەر عانا ەمەس, بوكسشى دا بولۋى كەرەك ەدٸ. سمادييارمەن, جاتتىقتىرۋشىلارمەن, كەڭەسشٸلەرمەن دايىندىق جۇمىستارى جٷرگٸزٸلدٸ. ەستەرٸڭٸزدە بولسا, سەرٸك سەپيەۆ سولاقاي, ال سمادييار وڭاقاي. ول قايتا جاتتىعۋعا مەجبٷر بولدى. مەنٸڭ ويىمشا, بۇل اكتەر ٷشٸن قىزىقتى ەرٸ ٷلكەن تەجٸربيە. مەن بٷگٸنگٸ نەتيجەگە ٶتە قۋانىشتىمىن. سمادييارعا وسى ەڭبەگٸ ٷشٸن, اتقارعان ەڭبەگٸ ٷشٸن تاعى دا العىس ايتقىم كەلەدٸ», – دەيدٸ اقان ساتاەۆ.
سونىمەن قاتار, ول سەرٸك سەپيەۆكە فيلم ۇناعانىن تٸلگە تيەك ەتتٸ.
«باستاپقىدا بٸز سەرٸكتٸڭ ٶزٸن تٷسٸرەيٸك دەگەنبٸز, بٸراق كەيٸن مۇنىڭ بەرٸن اكتەر ويناۋى كەرەك دەگەن قورىتىندىعا كەلدٸك. ونىڭ ٷستٸنە, ونىڭ جۇمىس كەستەسٸ تىعىز بولدى», - دەپ تٷسٸندٸردٸ رەجيسسەر.
