قازاقستاننىڭ وليمپيادا چەمپيوندارى مەن ٶزگە دە تانىمال سپورتشىلارى ەلورداداعى قر تۇڭعىش پرەزيدەنتٸ-ەلباسى كٸتاپحاناسىنا جينالىپ, جەكە زاتتارىن سىيعا تارتتى, دەپ حابارلايدى "ۇلت اقپارات".
بٷگٸن ەلباسى كٸتاپحاناسىندا داڭقتى قازاقستاندىق سپورتشىلار, تٷرلٸ سپورت ۇيىمدارىندا تەربيەلەنۋشٸ جەتكٸنشەكتەر مەن پارلامەنت دەپۋتاتتارىنىڭ قاتىسۋىمەن «قازاقستان ماقتانىشى» سپورت-رەۆيۋٸ ٶتتٸ.
ەلباسى كٸتاپحاناسى تەۋەلسٸزدٸكتٸڭ 30 جىلدىعىنا وراي «قازاقستان ماقتانىشى» اتتى اۋقىمدى جوبانى قولعا الىپ وتىر. جوبا بيىلعى 8 ناۋرىزدا «بولاشاق» حالىقارالىق باعدارلاماسىنىڭ 30 ٷزدٸك تٷلەگٸمەن ٶتكەن ينتەراكتيۆتٸ كەزدەسۋدەن باستاۋ الدى.
ال بٷگٸنگٸ شارا بارىسىندا وليمپيادا چەمپيوندارى مەن قازاقستاننىڭ اتاقتى سپورتشىلارىنىڭ جەكە زاتتارىن ەلباسى كٸتاپحاناسىنىڭ مۋزەيٸنە سىيعا تارتۋ رەسٸمٸ ٶتتٸ.
اتاپ ايتقاندا, قازاقستاندىق مەنەرلەپ سىرعاناۋشى ەليزابەت تۇرسىنباەۆانىڭ ەكەسٸ بايتاق تۇرسىنباەۆ ەلەم چەمپيوناتىندا قىزىنىڭ تٶرتتٸك سالحوۆ جاساپ, قازاقستاندى ەلەمدٸك قىسقى سپورت تاريحىنا قوسقان كونكيٸن تابىستادى.
سەرٸك سەپيەۆ 2009 جىلعى ەلەم چەمپيوناتىنا كيٸپ بارعان فورماسىن سىيعا تارتتى. گرەك-ريم كٷرەسٸنٸڭ شەبەرٸ يۋريي مەلنيچەنكو جەڭٸپ العان كٶپتەگەن كۋبوكتارىنىڭ بٸرٸن سىي ەتتٸ. كٶركەم گيمناستشى ەلييا جٷسٸپوۆا حالىقارالىق تۋرنيردەن مٷسٸنشەنٸ, اتاۋلى مەدال مەن تاياقشاسى بار لەنتانى تابىس ەتتٸ. اۋىر اتلەت يليا يلين مۇراجاي كوللەكتسيياسىن 2014 جىلعى التىن مەدالمەن تولىقتىردى. دانييار ەلەۋسٸنوۆ مۋزەيگە ٶزٸنٸڭ «التىن» بوكس قولعابىن تاپسىردى. ەركٸن كٷرەس شەبەرٸ گٷزەل مانيۋروۆا «جەڭٸستٸ» تريكوسىن بەردٸ. قازاق كٷرەسٸنەن بەلگٸلٸ سپورتشى بەيبٸت ىستىباەۆ 2015 جىلى ەلباسىنىڭ ٶزٸ تاپسىرعان بەلبەۋدٸ ۇسىندى. دجيۋ-دجيتسۋ شەبەرٸ مٶلدٸر مەكەنباەۆا 2019 جىلى موڭعولييادا ٶتكەن ازييا چەمپيوناتىنىڭ مەدالدارىن تارتۋ ەتتٸ. دارحان نورتاەۆ قازاقستان دجيۋ-دجيتسۋ قاۋىمداستىعىنىڭ اتىنان ەلەم چەمپيوناتىنىڭ كۋبوگىن تاپسىردى. سونىمەن قاتار, قازاقستان بايكەرلەر قاۋىمداستىعىنىڭ پرەزيدەنتٸ دميتريي پەترۋحين ٶز ولجالارىن ەلباسى كٸتاپحاناسىنا ٶتكٸزدٸ.
ٸس-شارادا الىپ كٷش يەسٸ, كٷش قولداناتىن نٶمٸرلەر اراسىنداعى ەلەمنٸڭ تٶرت دٷركٸن رەكورد يەسٸ, قاجىمۇقان مۇڭايتپاسوۆ پەن بالۋان شولاقتىڭ مۇراسىن جالعاستىرۋشى, قر مەدەنيەت جەنە سپورت مينيسترلٸگٸنٸڭ ەلٸمٸزدەگٸ كٷش مەدەنيەتٸن دامىتۋ جٶنٸندەگٸ ٶكٸلٸ سەرگەي تسىرۋلنيكوۆ تا بوي كٶرسەتتٸ. قوناقتاردىڭ الدىندا ول كٷش ٶنەرٸن پاش ەتٸپ, ات تاعاسىن مايىستىردى. كەيٸننەن تاعانى مۋزەيدٸڭ قورىنا ٶتكٸزدٸ.
سپورت-رەۆيۋ بارىسىندا سپورتشىلار تاپسىرعان جەكە زاتتار مەن مۇراعات ماتەريالدارى ەلباسى كٸتاپحاناسىنىڭ ەكسپوزيتسييالارىنان لايىقتى ورىن تاۋىپ, جۇرتشىلىقتىڭ يگٸلٸگٸنە اينالادى.
سونداي-اق جيىن بارىسىندا قر تۇڭعىش پرەزيدەنتٸ – ەلباسى كٸتاپحاناسى مەن قر مەدەنيەت جەنە سپورت مينيسترلٸگٸ اراسىندا ىنتىماقتاستىق تۋرالى مەموراندۋمعا قول قويىلدى. قۇجاتتى ەلباسى كٸتاپحاناسىنىڭ ديرەكتورى باقىتجان تەمٸربولات پەن قر مسم سپورت جەنە دەنە شىنىقتىرۋ ٸستەرٸ كوميتەتٸنٸڭ تٶراعاسى سەرٸك سەپيەۆ بەكٸتتٸ.
