سۋرەت اشىق دەرەككٶزدەن الىندى
الماتى وبلىسى پوليتسييا دەپارتامەنتٸنٸڭ بۇرىنعى باسشىسى سەرٸك كٷدەباەۆ اۋرۋحاناعا تٷستٸ, - دەپ حابارلايدى "ۇلت اقپارات" Tengrinews.kz سايتىنا سٸلتەمە جاساپ.
گەنەرال-مايور كٷدەباەۆقا قاتىستى ٷكٸم 10 ناۋرىزدا شىعۋى كەرەك ەدٸ. الايدا بۇرىنعى پوليتسييا باسشىسىنا قاتىستى سوت وتىرىسى كەيٸنگە شەگەرٸلدٸ.
"تالدىقورعان قالالىق سوتى باسپاسٶز قىزمەتٸنٸڭ مەلٸمەتٸنشە, سوتتالۋشىنىڭ اۋرۋحاناعا جاتقىزىلۋىنا بايلانىستى سوت وتىرىسى كەلەسٸ اپتاعا شەگەرٸلدٸ", - دەدٸ جەتٸسۋ وبلىستىق سوتىنىڭ رەسمي ٶكٸلٸ نۇرسۇلتان ورىنباساروۆ.
كٷدەباەۆتىڭ اۋرۋحاناعا قانداي دياگنوزبەن تٷسكەنٸ بەلگٸسٸز.
ايتا كەتەيٸك, سەرٸك كٷدەباەۆقا "بيلٸكتٸ نەمەسە لاۋازىمدى اسىرا پايدالاندى" دەگەن ايىپ تاعىلىپ وتىر. قىلمىستىق كودەكستٸڭ 362-بابى بويىنشا وعان ورتاشا قاۋٸپسٸزدٸك كولونيياسىندا توعىز جىلعا باس بوستاندىعىنان ايىرۋ جازاسى تاعايىندالۋى مٷمكٸن.
