قازاقستان ٷكٸمەتٸنٸڭ بۇرىنعى باسشىسى سەرٸك احمەتوۆ مەملەكەتتٸك ورگاندارعا حات جولداپ, ٶزٸن بارلىق ايىپ بويىنشا تولىق اقتاۋدى, بۇل ٸس بويىنشا ايىپتىلاردى جازالاۋدى سۇراعان, دەپ حابارلايدى Ulysmedia.kz.
جۋرناليست ميحايل كوزاچكوۆتىڭ دەرەگٸنشە, احمەتوۆ ٶزٸن قىزمەتتەن تايدىرۋ وپەراتسيياسى انتيكوردىڭ بۇرىنعى قىزمەتكەرٸ, باس پروكۋراتۋرانىڭ ارنايى پروكۋرورلار قىزمەتٸنٸڭ بۇرىنعى باسشىسى ولەسيا كەكسەلدٸڭ جەتەكشٸلٸگٸمەن ەزٸرلەنگەن دەپ ەسەپتەيدٸ.
ەسكە سالا كەتەيٸك, ەلٸمٸزدٸڭ بۇرىنعى پرەمەر-مينيسترٸ سەرٸك احمەتوۆ 2015 جىلعى جەلتوقساندا بٸرقاتار سىبايلاس جەمقورلىق قىلمىسى ٷشٸن كٸنەلٸ دەپ تانىلىپ, 10 جىلعا سوتتالعان بولاتىن. كەيٸن جازاسى جەڭٸلدەپ, باس بوستاندىعىنان ايرىلۋ مەرزٸمٸ 10 جىلدان 8 جىلعا قىسقاردى.
2017 جىلدىڭ قاڭتارىندا قازاقستان تەۋەلسٸزدٸگٸنٸڭ 25 جىلدىعىنا وراي جارييالانعان راقىمشىلىق بويىنشا احمەتوۆتٸڭ ٶتەلمەگەن مەرزٸمٸنٸڭ تٶرتتەن بٸرٸ ازايتىلدى. كەيٸن جازاسىن ٶتەۋدٸڭ ناقتى مەرزٸمٸ باس بوستاندىعىن شەكتەۋگە اۋىستىرىلىپ, كولونييادان بوساتىلدى. 2021 جىلدىڭ 1 قىركٷيەگٸندە ول جازاسىن ٶتەپ بولدى. سول ۋاقىتتان باستاپ وعان تاعىلعان بارلىق شەكتەۋلەر الىنىپ تاستالدى.
