Qazaqstan Úkimetiniń burynǵy basshysy Serik Ahmetov memlekettik organdarǵa hat joldap, ózin barlyq aiyp boiynsha tolyq aqtaýdy, bul is boiynsha aiyptylardy jazalaýdy suraǵan, dep habarlaidy Ulysmedia.kz.
Jýrnalist Mihail Kozachkovtyń dereginshe, Ahmetov ózin qyzmetten taidyrý operatsiiasy Antikordyń burynǵy qyzmetkeri, Bas prokýratýranyń arnaiy prokýrorlar qyzmetiniń burynǵy basshysy Olesia Kekseldiń jetekshiligimen ázirlengen dep esepteidi.
Eske sala keteiik, elimizdiń burynǵy premer-ministri Serik Ahmetov 2015 jylǵy jeltoqsanda birqatar sybailas jemqorlyq qylmysy úshin kináli dep tanylyp, 10 jylǵa sottalǵan bolatyn. Keiin jazasy jeńildep, bas bostandyǵynan airylý merzimi 10 jyldan 8 jylǵa qysqardy.
2017 jyldyń qańtarynda Qazaqstan táýelsizdiginiń 25 jyldyǵyna orai jariialanǵan raqymshylyq boiynsha Ahmetovtiń ótelmegen merziminiń tórtten biri azaityldy. Keiin jazasyn óteýdiń naqty merzimi bas bostandyǵyn shekteýge aýystyrylyp, koloniiadan bosatyldy. 2021 jyldyń 1 qyrkúieginde ol jazasyn ótep boldy. Sol ýaqyttan bastap oǵan taǵylǵan barlyq shekteýler alynyp tastaldy.
