سەناتتىڭ جالپى وتىرىسىندا دەپۋتات ەبدەلٸ نۇراليەۆ ەلٸمٸزدٸڭ پرەمەر-مينيسترٸ ەليحان سمايىلوۆتىڭ اتىنا جولداعان دەپۋتاتتىق ساۋالىندا شارۋالاردىڭ ناقتى مەسەلەلەرٸن شەشۋگە باعىتتالعان ۇسىنىستارىن ايتتى, دەپ حابارلايدى قازاقپارات.
دەپۋتاتتىڭ ايتۋىنشا, ٶتكەن جىلى قالىپتاسقان جاعداي اۋىل شارۋاشىلىعى سالاسىنىڭ تەحنولوگييالىق تۇرعىدان ارتتا قالۋىن, تەحنيكالىق جاراقتاندىرۋدىڭ تٶمەن دەڭگەيٸن, شارۋاشىلىق جٷرگٸزۋدٸڭ ەكستەنسيۆتٸ ەدٸستەرٸنٸڭ باسىمدىلىعىن كٶرسەتتٸ, سونىڭ نەتيجەسٸندە سالا قازٸرگٸ زامانعى سىن-تەگەۋرٸندەرگە تٶتەپ بەرە المايتىندىعىن بايقاتتى.
سەناتور ەلٸمٸزدە مال ازىعى زووتەحنيكالىق نورمالاردان 2 ەسە از ٶندٸرٸلەتٸنٸن, ال قوسالقى جەنە ۇساق شارۋا قوجالىقتارى مەملەكەتتٸك قولداۋدان ايىرىلعانىن اتاپ ٶتتٸ.
«قازٸرگٸ تاڭدا ەلٸمٸزدەگٸ 1,6 مىڭنان استام قوسالقى شارۋاشىلىقتاردا 3,5 ميلليوننان استام تابىس دەڭگەيٸ تٶمەن ازاماتتار جۇمىس ٸستەيدٸ. ولار جىلىنا ورتا ەسەپپەن 2,5 ترلن تەڭگەنٸڭ اۋىل شارۋاشىلىعى ٶنٸمدەرٸن ٶندٸرٸپ, ەلٸمٸزدٸڭ ازىق-تٷلٸك قورىن تولىقتىرۋدا ەلەۋلٸ ٷلەستەرٸن قوسىپ كەلەدٸ. ٶكٸنٸشكە قاراي, قوسالقى شارۋاشىلىقتار ٶندٸرگەن ٶنٸمدەردٸڭ پايداسىن ورتادا جٷرگەن دەلدالدار كٶرٸپ كەلەدٸ. ال ۇساق قوجالىقتاردى مەملەكەتتٸك قولداۋ مٷلدەم جوق دەپ ايتۋعا بولادى», - دەدٸ سەناتور.
وسى مەسەلەلەردٸ شەشۋ ٷشٸن سەناتور ەگٸس القاپتارىنىڭ قۇرىلىمىن ەرتاراپتاندىرۋمەن جەنە جەمشٶپ, جارما, بۇرشاق جەنە مايلى داقىلدار القاپتارىن كەڭەيتۋمەن اينالىساتىن شارۋاشىلىقتاردى بەلسەندٸ قولداۋدى ۇسىندى. كووپەراتسييانى, ونىڭ ٸشٸندە قوسالقى جەنە ۇساق شارۋاشىلىقتاردى ىنتالاندىرۋ دا ماڭىزدى.
«اگروسەكتور سۋبەكتٸلەرٸنە بٶلٸنەتٸن نەسيەلەر بويىنشا پايىزدىق مٶلشەرلەمەلەردٸ 2-3% - عا دەيٸن تٶمەندەتۋ, قوسالقى شارۋاشىلىقتار ٷشٸن شاعىن نەسيە اۋقىمىن كەڭەيتۋ, شارۋاشىلىق ناۋقانى كەزٸندە مەملەكەتتٸك قاراجاتتى جىلدام الۋ مٷمكٸندٸگٸن قاراستىرۋ, ناقتى الىنعان ٶنٸمگە نەمەسە قايتا ٶڭدەۋگە ٶتكٸزٸلگەن كٶلەمگە بايلانىستى سۋبسيدييالاردى بٶلۋ بويىنشا ناقتى شارالار كٶزدەلۋٸ تيٸس», - دەپ اتاپ ٶتتٸ سەناتور ەبدەلٸ نۇراليەۆ.
